धनुषा / घुस काण्डमा मुछिएका धनुषाको बटेश्वर गाउँपालिका अध्यक्षलाई नेकपा एमालेले पुनः गाउँपालिकाकाे उम्मेदवार बनाउने भएको छ । २०७४ मा गाउँपालिका अध्यक्ष भएका डम्बरबहादुर राउतलाई एमालेले आसन्न स्थानीय तहको चुनावमा पनि गाउँपालिका अध्यक्षकाे उम्मेदवार बनाउने भएको हो।गाउँपालिका अध्यक्ष रहेका राउतले २०७७ फागुन १७ मा गाउँपालिका कार्यालयको प्रशासनिक भवन निर्माणको भुक्तानी दिएबापत ठेकेदारसँग आठ लाख रुपैयाँ घुस लिएको अख्तियार दुरुपयोग अनुसन्धान आयोगको आरोप छ।महेन्द्रनगरमा ठेकेदारबाट लिएको घुस रकम लिएर घर फर्कँदै गर्दा अख्तियारको टोलीले पछ्याएपछि उनी बाटैमा पैसा फालेर भागेका थिए।
बिर्तामोड / नेकपा माओवादी केन्द्रका नेता नारायण प्रसाद दाहाल राष्ट्रियसभा सदस्यमा मनोनीत भएका छन् । बिहीबार बसेको मन्त्रिपरिषद्को सिफारिसमा आज राष्ट्रपति विद्यादेवी भण्डारीले दाहाललाई राष्ट्रियसभा सदस्यमा मनोनीत गरेकी हुन् । दाहाल नेकपा माओवादी केन्द्रका केन्द्रीय सदस्यसमेत हुन् ।राष्ट्रियसभा सदस्यको सपथ ग्रहणपछि दाहालले सञ्चारमाध्यमसँग कुरा गर्ने क्रममा अध्यक्ष प्रचण्डको पारिवारिक सदस्य भएकै कारण आफूले योग्यता अनुसारको अवसर धेरैपटक गुमाउनुपरेको बताएका छन् ।
बिर्तामोड / नेकपा एमाले अध्यक्ष केपी शर्मा आली नेतृत्वको सरकारको पालामा कानुनको उलङ्घन गर्दै भएका भ्रष्टाचार , राजनितिकरणको आधारमा गरिएका नियुक्ति र आपराधिक गतिविधि सार्वजनिक हुने क्रम अझै सकिएको छैन । एमाले अध्यक्ष केपी शर्मा ओली सत्ताच्युत भएसँगै ओलीका पालामा भएका बेथिति र कानुन उलङ्घनका नयाँ घटना हरेक दिन सार्वजनिक हुने क्रम जारी नै रहेको छ । संघीय सरकारको नेतृत्वमा रहेको समयमा ओलीले नियुक्त भएका गभर्नर महाप्रसाद अधिकारीलाई प्रधानमन्त्री शेरबहादुर देउवाले गरेको निलम्बनको विषय अहिले चर्चामा आएको छ । तत्कालीन प्रधानमन्त्री ओलीले कानुनमा गरिएको व्यवस्थालाई नजरअन्दाज गर्दै
काठमाडौँ / सरकारले धनुषाको श्रीरेश्वर र ललितपुरको नख्खुस्थित एनसेल कार्यालयको विस्फोट, मोरङको मिक्लाजुङमा शिक्षक अपहरण र हत्या, भोजपुरमा प्रहरीमाथि गोली प्रहार लगायतका अपराधमा जोडिएका व्यक्तिलाई उन्मुक्ति दिने भएको छ । आसन्न स्थानीय तहको चुनावी वातावरण सहज बनाउन भन्दै सरकारले व्यक्ति हत्या, विस्फोट, आगजनी, चन्दा असुलीलगायत अपराधमा संलग्न रहेको अभियोग लागेर विभिन्न कारागारमा पुर्पक्षमा रहेका विप्लव समुहका ४० जना नेता तथा कार्यकर्ताको मुद्धा फिर्ता लिएर उन्मुक्ति दिने भएको हो ।मुद्दा फिर्ता लिन गृह मन्त्रालयले रायका लागि महान्यायाधिवक्ता कार्यालयमा पत्र पठाएको बताइएको छ । चन्द सम
काठमाडौं / सत्ता गठबन्धनको बैठक आज पनि प्रधानमन्त्रीको सरकारी निवास बालुवाटारमा साँझ ४ बजे बस्दै छ । बैठकमा स्थानीय निर्वाचन विषयमा छलफल हुने सरकारका प्रवक्ता तथा सञ्चारमन्त्री ज्ञानेन्द्रबहादुर कार्कीले जानकारी दिए ।गठबन्धनका उम्मेदवार जिताउनेबारे विस्तृत छलफल हुने र चुनावी तालमेलको मापदण्डबारे पनि निष्कर्षमा पुग्ने उनले प्रवक्ता कार्कीले बताए । गठबन्धनका शीर्ष नेताहरूले सोमबार संयुक्त रुपमा अपिल जारी गर्दै नेता-कार्यकर्तालाई सहकार्य र परस्पर सहयोगको भावनाले अगाडि बढ्न आह्वान गरेका थिए ।
विराटनगर / नेकपा (एमाले) इटहरी उपमहानगर कमिटीले इटहरी उपमहानगरपालिकाको मेयरमा ६ जना र उपमेयरमा ९ जनाको नाम सिफारिस गरेको छ । नगर कमिटीले मेयर द्वारिकालाल चौधरी र उपमेयर लक्ष्मी गौतमसहित ६ जनाको नाम सिफारिस गरेको हो । बैठकले नगरप्रमुख चौधरी, उप्रपमुख गौतम, प्रदेश सदस्य रामप्रसाद चौलागाईँ, उपमहानगर अध्यक्ष यामकुमार सुब्बा, रेवती घिमिरे र बन्नुलाल चौधरीको नाम सिफारिस गरेको छ ।उपमेयरको उम्मेदवार छनोटका लागि अम्बिका चौधरी, विष्णु शर्मा नेपाल, अमला श्रेष्ठ, अनिता शर्मा, संगीता चौधरी, रामचरण चौधरी, गायत्री चौधरी, रुक्मिणी कोइराला र मिथिला पोख्रेलको नाम सिफारिस गरेको छ ।
इटहरी / एमालेले सुनसरीका दुई उपमहानगरपालिका धरान र इटहरीमा मेयर र उपमेयरको उम्मेदवारको नाम सिफारिस गरेको छ । एमालेको सम्बन्धित उपमहानगर कमिटीको बैठकले धरानको मेयरका लागि ११ जना र इटहरीका लागि ६ जनाको नाम उम्मेदवारका लागि सिफारिस गरेको हो । धरानको मेयरका लागि पूर्वमेयर मनोजकुमार मेन्याङ्बो र हालकी उपमेयर मञ्जु भण्डारी, मोतीराज सुनुवार, विजयकुमार राई, तीर्थ मास्के, मिनकुमार सुब्बा, नारायणप्रसाद सुवेदी, राजमणि निरौला, दोर्पध्वज राई, प्रकाश राई र किशोरकुमार कार्कीको नाम सिफारिस गरिएको छ ।त्यस्तै उपमेयरको उम्मेदवारमा इन्द्रकला राई, सविता चाम्लिङ, लहरुमाया जिमी, पदमप्रसाद लिम्बु, लीला
इटहरी / सत्ता गठबन्धन भित्र आसन्न स्थानीय तहको निर्वाचनमा तालमेल गर्ने सहमति भए पनि दलहरूले आ–आफ्नो प्रभाव रहेको क्षेत्रमा उम्मेद्वार अघि सारे पछि भागबन्डाको विषय मिल्न सकेको छैन ।चुनावी तालमेलको मोडालिटी चैत २६ गते सम्ममा तय गर्ने सहमति भएपनि गठबन्धनभित्र कांग्रेस र माओवादीबाट आफूले जितेको स्थान नछोड्ने र एमालेले जितेको ठाउँमा भागबन्डा गर्ने कुरा आएपछि भागबन्डाको विषय मिल्न नसकेको हो । गठबन्धन भित्र भागबन्डाको चर्चा चलिरहेको बेला कांग्रेसका नेताहरूले गठबन्धनलाई स्वीकार गरे पनि इटहरी उपमहानगरपालिकाको मेयर र उपमेय नछाड्ने बताउँदै आएका छन् । उपमहानगर समितिको बैठकको क्रममा नेताहरूले ग
बिर्तामोड / नेकपा (एकीकृत समाजवादी) ले स्थानीय तह निर्वाचन पार्टीले जारी गर्ने घोषणापत्रको मस्यौदा पारित गरेको छ । (शनिबार र आज (आइतबार) बसेको पार्टी केन्द्रीय सचिवालयको बीसौं बैठकले स्थानीय निर्वाचन घोषणा पत्रको मस्यौदामा छलफल गरी सुझावसहित पारित गरेको हो ।बैठकमा ११ सय ११ जनाको निर्वाचन परिचालन कमिटी समेत गठन गरिएको महासचिव बेदुराम भुसालले जानकारी दिए । भुसालका अनुसार अध्यक्ष माधव कुमार नेपालको संयोजकत्वमा केन्द्रीय कमिटी, तिनैवटा केन्द्रीय आयोग, केन्द्रीय सल्लाहकार परिषद् र केन्द्रीय ज्येष्ठ कम्युनिष्ट मञ्चका सबै पदाधिकारीहरू लगायतसमेत रहेको मुल निर्वाचन परिचालन कमि
काठमाडौं / नेकपा एकीकृत समाजवादीले आगामी बैशाख ३० मा हुने स्थानीय तहको निर्वाचनका लागि १ हजार १ सय ११ सदस्यीय निर्वाचन परिचालन कमिटी गठन गरेको छ । शनिबार र आइतबार बसेको केन्द्रीय सचिवालयको बैठकले पार्टी अध्यक्ष माधव नेपालको नेतृत्वमा निर्वाचन परिचालन कमिटी गठन गरेको हो ।कमिटीमा केन्द्रीय कमिटी, तीनवटै केन्द्रीय आयोग, केन्द्रीय सल्लाहकार परिषद् र केन्द्रीय ज्येष्ठ कम्युनिष्ट मञ्चका सबै पदाधिकारी एवं सदस्यहरू, केन्द्रीय परिषद् सदस्यहरू, प्रदेशका पदाधिकारीहरू, जिल्ला अध्यक्षहरू जनसङ्गठनका केन्द्रीय पदाधिकारीहरू रहने जनाइएको छ । महासचिव बेदुराम भुसालको संयोजकत्वमा सचिवालयमा प्रकाश ज्वाला, गङ्
Copyright © 2021 / 2026 / Esoul Media (P) Ltd. / All Rights Reserved.
