काठमाडौं//नेपाली कांग्रेसका नेता तथा सांसद गगन थापा दुई वर्षका लागि विश्व बैंक र अन्तर्राष्ट्रिय मुद्रा कोषको बोर्ड सदस्यमा निर्वाचित भएका छन्। उनि सन् २०२३ सम्मका लागि विश्व बैंक र अन्तर्राष्ट्रिय मुद्रा कोषको संसदीय सञ्जालको बोर्ड सदस्यमा निर्वाचित भएका हुन् । १ सय ४० भन्दा बढी देशका सांसद रहने उक्त सञ्जालको बोर्डमा दुई वर्षसम्म समावेशी विकासका लागि काम गर्न आफू उत्साहित रहेको नेता थापाले बताएका छन् ।
बिर्तामोड / सरकारले बाढी पहिरोबाट मृत्यु भएकाको परिवारलाई सहयोग स्वरुप दुई लाख रुपैयाँ दिने घोषणा गरेको छ । बुधबार बसेको मन्त्रिपरिषद्को बैठकले बाढीपहिरोमा परी एक जनाको मृत्यु भएको परिवारलाई दुई लाख र दुई वा सो भन्दा बढिको मृत्यु भए प्रत्येकका लागि थप एक–एक लाख दिने घोषणा गरेको हो । बैठकमा बाढीपहिरोबाट घाइते भएकाहरूको निःशुल्क उपचार गर्ने निर्णय भएको संघीय मामिला तथा सामान्य प्रशासन मन्त्री राजेन्द्र श्रेष्ठले जानकारी दिए ।बाढीपहिरोले घरबारविहीन भएकालाई तत्काल गुजाराका लागि पाँच जनासम्मको परिवार छ भने प्रतिपरिवार १५ हजार र पाँचभन्दा बढी सदस्य रहेका परिवार छन् भने प्रतिपरिवार २० हजार
हेटौंडा / वाग्मती प्रदेशकी मुख्यमन्त्री अष्टलक्ष्मी शाक्यले बिहीबार विश्वासको मत लिने भएकी छिन् । विहीबार बस्ने प्रदेश सभाको बैठकमा मुख्यमन्त्री शाक्यले विश्वासको मत लिने भएकी हुन् । मुख्यमन्त्री शाक्यले भोलिको बैठकमा नेपालको संविधानको धारा–१८८ को उपधारा १ बमोजिमको प्रावधानअनुसार विश्वासको मत लिने प्रदेशसभा सचिवालयले जनाएको छ । वाग्मती प्रदेशसभामा सत्तापक्ष र प्रतिपक्ष गरी हाल १०९ सदस्य छन् ।
काठमाडौँ / सरकार र नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी (नेकपा) बीच दुई बुँदे सहमति भएको छ । गृहमन्त्री बालकृष्ण खाणको पहलमा मङ्गलबार गृह मन्त्रालयमा विगतका सहमति कार्यान्वयन गर्ने सम्बन्धमा दुई बुँदे सहमति भएको हो । विप्लवका कार्यकर्ताविरुद्धका मुद्दाको अवस्थाको बारेमा दुवै पक्षबाट विगतमा पेस भएको सूचीमा पछिल्लो समयसम्म भएको प्रगतिको अन्तिम सूची तयार गर्ने विषयमा दुवै पक्ष सहमत भएको गृहसचिव टेकनारायण पाण्डेले जानकारी दिए । वार्तामा नेपाल सरकारको तर्फबाट गृहमन्त्री खाणसहित महान्यायाधिवक्ता खम्मबहादुर खाती, गृहसचिव पाण्डे, कानुन न्याय तथा संसदीय मामिला मन्त
बैतडी / गृह जिल्ला दार्चुला हिँडेका कानुन न्याय तथा संघीय मामिलामन्त्री दिलेन्द्र बडुसहित पाँच सय जना यात्रु बैतडीको जाममा फसेका छन् । मन्त्री भएपछि पहिलो पटक गृह जिल्ला हिँडेका बडु बाटो बन्द हुँदा दुइ दिनदेखि बैतडीको दोगडाकेदार गाउँपालिकाको डिक्गाडमा नै रोकिएका छन्। सोमबार दार्चुला पुग्नु पर्ने बडु वर्षाका कारण सडक अवरुद्ध भए पश्चात बुधबारसम्म बैतडीमै छन्। उक्त जाममा जिल्ला अस्पताल दार्चुलाको एम्बुलेन्स समेत फसेको छ।यस्तै महेन्द्रनगर र धनगढीबाट दार्चुला जान लागेका ५ सय जना यात्रु पनि मन्त्रीसँगै दुई दिनदेखि डिक्गाडमा जाममा फसेका छन्।
बिर्तामोड / नेकपा एमालेका अध्यक्ष केपी शर्मा ओलीले स्थायी कमिटीको बैठक बोलाएका छन् । ओलीले भोलि (बिहिबार) दिउँसो तीन बजे ललितपुरको च्यासलस्थित तुलसीलाल स्मृति भवनमा बैठक बोलाएका हुन् । बैठकमा विधान महाधिवेशनको समीक्षा, वडा र पालिका अधिवेशन, राष्ट्रिय महाधिवेशन र वर्षाका कारण भएको धनजनको क्षतिलगायतका विषयमा छलफल हुने कार्यालय सचिव शेरबहादुर तामाङले जानकारी दिए । एमालेले आगामी १० देखि १२ मङ्सिरमा दशौं राष्ट्रिय महाधिवेशनको मिति तोकेको छ ।
काठमाडौँ / नेपाली कांग्रेसका सभापति शेरबहादुर देउवाले सरकारको नेतृत्व सम्हालेको आज १०० दिन पुगेको छ । यस अवधिमा पूर्ववर्ती सरकारले छाडेर गएको अन्यौलग्रस्त विसङ्गति र अस्थिरताबाट मुलुकलाई मुक्ति दिलाउने गहन जिम्मेवारीका साथ वर्तमान सरकारले मुख्य गरी विकास, शान्ति र सुव्यवस्था तथा सुशासन कायम गरी अघि बढ्नका लागि आधारशीला खडा गरेको महसुस भएको छ ।यो अवधिमा सरकारले गरेका धेरै कार्यमध्ये कोभिड–१९ को रोकथाम तथा नियन्त्रण उल्लेखनीय देखिएको छ । देउवा सरकारले आफ्नो प्रमुख प्राथमिकतामा राखेर कोरोनाको रोकथाम, नियन्त्रण र उपचार गरेपछि अहिले कोरोना सङ्क्रमण लगभग नियन्त्रणको चरणमा पुगेको छ । पछिल्लो तथ्याङ्क
बिर्तामोड / गृहमन्त्री बालकृष्ण खाण नेकपा (क्रान्तिकारी माओवादी) का महासचिव मोहन वैद्य ‘किरण’ को स्वास्थ्य अवस्था बुझ्न अस्पतालमा पुगेका छन् । दम रोगबाट पीडित वैद्यको स्वास्थ्य अवस्था बझ्न खाँड आज (मंगलबार) काठमाडौंको थापाथलीस्थित नर्भिक अस्पताल पुगेका हुन् । खाणले अस्पतालमा वैद्यलाई भेटेर स्वास्थ्य अवस्थाबारे जानकारी लिँदै, सरकारको तर्फबाट स्वास्थ्यलाभको कामना गरेका छन् । वैद्यको स्वास्थ्यमा सुधार भइरहेको जानकारी उपचारमा संलग्न चिकित्सकले दिएको मन्त्री खाणले बताए ।
बिर्तामोड / नेकपा माओवादी केन्द्रले सदस्यता नवीकरण र स्थानीय सम्मेलनको कार्यतालिका संशोधन गरेको छ । आज (मंगलबार) बसेको पार्टीको स्थायी कमिटी बैठकले राष्ट्रिय सम्मेलनबाहेक अन्य तहका सम्मेलनको कार्यतालिका संशोधन गरेको हो । पार्टी सदस्यता नवीकरणको म्याद कात्तिक २५ गतेसम्म थपिएको प्रवक्ता कृष्णबहादुर महराले जानकारी दिए । महराका अनुसार टोल सम्मेलनहरू कात्तिक २७ गतेसम्म हुनेछन् । वडा सम्मेलनको म्याद मंसिर ४ सम्म थपिएको छ भने पालिका सम्मेलनहरू मंसिर ११ गतेसम्म सम्पन्न गर्नुपर्नेछ ।प्रदेश सम्मेलन मंसिर २५ सम्म सकेर पुस दोस्रो साता राष्ट्रिय सम्मेलन गरिने महराको भनाइ छ । माओवादी केन्द्रले १४९
बिर्तामोड / संस्कृति, पर्यटन तथा नागरिक उड्डयनमन्त्री प्रेमबहादुर आलेले त्रिभुवन अन्तर्राष्ट्रिय विमानस्थलमा भएका अनियमितताको अन्त्य गर्ने बताएका छन् ।सोमबार त्रिभुवन अन्तर्राष्ट्रिय विमानस्थलमा छड्के अनुगमनमा निस्किएका मन्त्री आलेले विमानस्थलमा भएका अनियमितताको अन्त्य गर्ने बताएका हुन् । आलेले अनुगमनका क्रममा विमानस्थलमा ट्याक्सीले मिटरमा यात्रु नबोक्ने, सरसफाइ नभएको, पसलले यात्रुलाई चिया, कफीमा समेत महँगो लिने गरेका, कर्मचारीले पनि आफ्नो जिम्मेवारी पूर्णरुपमा पालना नगरेको पाइएकाले ती कमी कमजोरीको अन्त्य गर्ने बताए ।यसैगरी मन्त्री आलेले आइतबार काठमाडौँबाट भोजपुरका लागि उडेको नेपाल वायुसे
Copyright © 2021 / 2026 / Esoul Media (P) Ltd. / All Rights Reserved.
