झापा / उच्च अदालत विराटनगर, इलाम इजलासले फोहोरमैलाको उचित व्यवस्थापन गर्न झापाका तीन नगरपालिकाको नाममा परमादेश जारी गरेको छ । न्यायाधीशद्वय प्रेमराज कार्की र विष्णुप्रसाद कोइरालाको संयुक्त इजलासले वन, वातावरण तथा भू–संरक्षण मन्त्रालय प्रदेश –१ विराटनगर, मेचीनगर नगरपालिका, भद्रपुर नगरपालिका र बिर्तामोड नगरपालिकाको नाममा परमादेश जारी गरेको हो ।२०७७ फागुन १७ गते मेचीनगर नगरपालिका –७ का होमनाथ प्रसाईँले जथाभावी फोहोरमैला फ्याकेर वातावरण प्रदूषित तुल्याएको आरोप लगाउँदै मन्त्रालय र तीन स्थानीय तहलाई विपक्षी बनाई परमादेश आदेशको मागसहित इलाम इजलासमा रिट दर्ता गरेका थिए । प्रसाईले दायर गरेको
रुकुम / रुकुम (पूर्व)को भूमे गाउँपालिका– ४ झिङ्गेटारमा टिपर पल्टिएर दुई जनाको मृत्यु भएको छ । मृत्यु हुनेमा पुथाउत्तरगङ्गा गाउँपालिका– १४ का अन्दाजी २५ वर्षका गोविन्द बुढा र भूमे – ५ उपल्लो साकिमका २५ वर्षका दामु बुढा रहेका छन् । बा २ क ७०१८ नम्बरको टिपर पल्टिएर घाइते भएका उनीहरूको उपचारका क्रममा मृत्यु भएको जिल्ला प्रहरी कार्यालयका सूचना अधिकारी प्रहरी निरीक्षक दीपेन्द्र बाँनियाले जानकारी दिएका छन् । यस्तै दुर्घटनामा दुई जना घाइते भएका छन् । घाइते हुनेमा घाइते हुनेमा लामा कन्स्ट्रक्सनका सव इञ्जिनीयर दोलखाका अन्दाजी ३५ वर्षका ध्रुव घिमिरे र उदयपुर चौबन्दिगढी नगरपालिका– ५ का २३
बिर्तामोड / एमसीसीको विरोधमा उत्रिएका प्रदर्शनकारी र प्रहरीबीच आज बानेश्वरमा झडप भई प्रहरीले अश्रुग्यास र पानीको फोहोरा हानेको छ । बानेश्वर क्षेत्रमा रोड खाली गरेर प्रहरीले ब्यारिकेड राखेको छ । प्रदर्शनकारीले निषेधित क्षेत्र तोड्ने प्रयास गरिरहेका छन् । सशस्त्र र जनपद प्रहरी बानेश्वर क्षेत्रमा परिचालित छन् । एमसीसीको विरोधमा बिभिन्न दलहरूले प्रदर्शन गरिरहेका छन् ।
बिर्तामोड / झापाको अर्जुनधारा नगरपालिका ९ कार्की डाडा स्थित भित्री सडक खण्डमा मोटरसाइकलको ठक्करबाट पैदल यात्रीको मृत्यु भएको छ । मृत्यु हुनेमा सोही स्थान बस्ने ७८ वर्षीया शिवमाया दाहाल रहेकी छन् । हिजो बेलुका ८ बजे दक्षिणबाट उत्तर तर्फ जादै गरेको प्र। १ - ०१-०१२ प ५९९८ नम्बरको मोटरसाइकलले बाटो क्रस गर्दै गरेकी दाहाललाई ठक्कर दिई घाईते बनाएको थियो । घाईते दाहालको बि एण्ड सी अस्पताल बिर्तामोडमा उपचारको क्रममा राती सँवा १२ बजे मृत्यु भएको हो । मोटरसाइकल प्रहरी चौकी शनिश्चरेको नियन्त्रणमा रहेको छ भने चालक झापा बुद्धशान्ति गाउँपालिका १ भोटेटारका २१ वर्षीय प्रेम गुरुङ फरार रहेकाले खोजतलास भइरह
बिर्तामोड / मोरङको जहदा गाउपालिका ७ सिरसिया बस्ने महेश हस्दाको छोरा ३० महिनाको रबिन हस्दा पानीको खाल्डोमा डुबी मृत्यु भएको छ । हिजो दिउसो साढे २ बजे आफ्नै घर अगाडि धाराको पानी जमेको खाल्डोमा डुबी बेहोस अवस्थामा उनकै बुबाले फेला पारी उपचारको लागी कोशी अस्पताल विराटनगर लगेका थिए । घाईते बालकको उपचारको क्रममा हिजो बेलुका ५ बजे मृत्यु भएको छ । घटना सम्बन्धमा थप अनुसन्धान भइरहेको छ ।
बिर्तामोड / झापाको बिर्तामोडको दुई स्थानबाट लागूऔषध ब्राउन सुगर सहित दुई जनालाई प्रहरीले पक्राउ गरेको छ । पक्राउ पर्नेमा झापा गाउपालिका ४ का १९ वर्षीय अब्दुल अन्सारी र बिर्तामोड नगरपालिका ४ का १९ वर्षीय उतम बर्देवा रहेका छन् । हिजो बेलुका ५ बजे इलाका प्रहरी कार्यालय अनारमनीबाट खटिएको प्रहरी टोलीले बिर्तामोड नगरपालिका ४ पश्चिम स्टेनबाट अब्दुल अन्सारीलाई ब्राउन सुगर ५ ग्राम र हिजै बेलुका साढे ४ बजे प्रहरी चौकी बिर्ताबजारबाट खटिएको प्रहरी टोलीले उतम बर्देवालाई घरैबाट ब्राउन सुगर ८०० मिलिग्राम सहित पक्राउ गरिएको हो । पक्राउ परेका दुवैजनालाई इलाका प्रहरी कार्यालय अनारमनीबाट थप अनुसन्धान भइरहे
झापा / कैलालीमा सशस्त्र प्रहरीले हतियारसहित तीन जनालाई पक्राउ गरेको छ ।कैलारी गाउँपालिका –५ छोटकी पलियाबाट सशस्त्र प्रहरीले तीन जनालाई हतियारसहित पक्राउ गरेको हो ।सशस्त्र प्रहरीको गस्ती टोलीले आज बिहान एक थान बन्दुक र पाँच गोलीसहित तीन जनालाई पक्राउ गरेको जिल्ला प्रहरी कार्यालय कैलालीका प्रहरी नायब उपरीक्षक बेदप्रकाश जोशीले बताएका छन् ।पक्राउपरेकाहरूलाई सशस्त्र प्रहरीको सीमा सुरक्षा कार्यालय नं ३४ गणमा राखिएको छ ।
बिर्तामोड / ट्रकको ठक्करबाट एकजना साइकल यात्रीको मृत्यु भएको छ । मृत्यु हुनेमा कोशी गाउँपालिका –८ भण्टाबारीका स्थानीय ६० वर्षीय भरत सहनी रहेको प्रहरी नायब उपरीक्षक नरेन्द्रकुमार कार्कीले जानकारी दिएका छन् ।पश्चिमबाट पूर्वतर्फ जाँदै गरेको प्र २–०३–००१ ख २५०५ नम्बरको ट्रकले सोही दिशाबाट आउँदै गरेका साइकल यात्रीलाई मंगलबार राति ठक्कर दिएका प्रहरी नायब उपरीक्षक कार्कीले बताए । ट्रकको ठक्करबाट गम्भीर घाइते सहनीको उपचारका क्रममा जिल्ला अस्पताल इनरुवामा मृत्यु भएको हो ।ट्रक चालक सर्लाहीको परवानीपुरका ५४ वर्षीय लासा दोर्जे जिम्बालाई नियन्त्रणमा लिएको र अनुसन्धान भइरहेको प्रहरीले जनाएको छ ।
काठमाडौँ / काठमाडौँस्थित त्रिभुवन अन्तर्राष्ट्रिय विमानस्थलबाट अवैध विदेशी मुद्रा अमेरिकी डलरलगायत सहित प्रहरीले एक भारतीय नागरिकलाई पक्राउ गरेको छ । फ्लाइट दुबईमार्फत काठमाडौँबाट दुबई जान लागेका भारतीय नागरिक सतिश परसोत्तम सजनानीलाई पक्राउ गरिएको विमानस्थल सुरक्षा कार्यालयका प्रमुख प्रहरी वरिष्ठ उपरीक्षक भीमप्रसाद ढकालले जानकारी दिएका छन् ।अवैध रुपमा विदेशी मुद्रा लैजान लागेको भन्ने विशेष सूचनाका आधारमा अनुसन्धान गर्दा उनको हाते झोलाबाट विभिन्न देशका मुद्रा फेला परेपछि पक्राउ गरिएको उनले जानकारी दिए । उनको साथबाट प्रहरीले २० हजार अमेरिकी डलर, रु ३१ हजार छ सय पाँच इङ्ल्यान्ड पाउन्ड, ५० जर्जिया
झापा / सिन्धुपाल्चोकमा बन्चरोले हानेर श्रीमतीको हत्या गरेको आरोपमा प्रहरीले श्रीमान् लाई पक्राउ गरेको छ ।बन्चरो प्रहार गरी २८ वर्षीया श्रीमती लक्ष्मी बस्नेत तामाङको हत्या गरेको आरोपमा बलेफी गाउँपालिका –१ ठाटिकुना वनकाली बस्ने ३२ वर्षीय जीवन तामाङलाई प्रहरीले मंगलबार दिउँसो पक्राउ गरेको हो ।दाउरा चिर्ने विषयमा विवाद हुँदा जीवनले श्रीमतीलाई बन्चरो प्रहार गरेका थिए । गम्भीर घाइते भएकी लक्ष्मीको जिल्ला अस्पताल चौतारामा उपचारका क्रममा मृत्यु भएको प्रहरीले जानकारी दिएको छ ।प्रहरीले मृतकका श्रीमान् जीवनलाई नियन्त्रणमा लिई अनुसन्धान थालेको छ ।
Copyright © 2021 / 2026 / Esoul Media (P) Ltd. / All Rights Reserved.
