कपिलवस्तु / छोराले विदेशमा राम्रो काम नपाएको भन्दै बुबाले वैदेशिक रोजगारीमा पठाउने एजेन्टको गोली हानी हत्या गरेका छन्। विजयनगर गाउँपालिका १ का ५० वर्षीय पशुपति कुर्मीले कृष्णनगर नगरपालिका १० बस्दै आएका ५५ वर्षीय पारस पुरीलाई गोली हानी हत्या गरेका हुन् । वैदेशिक रोजगारका लागि विदेश पठाउने कार्यमा संलग्न रहेका पुरीको बिहिबार राति साढे ९ बजे गोली हानी हत्या भएको थियो। हत्यापछि फरार रहेका कुर्मीलाई कपिलवस्तु नगरपालिका नेपाल-भारत सीमाबाट पक्राउ गरिएको प्रहरी नायब उपरीक्षक धर्मराज भण्डारीले जानकारी दिएका छन् । बहराइन पठाउन १ लाख १५ हजार रुपैयाँ लिएका पुरीलाई छोरा
बिर्तामोड / विगत केही दिनदेखि लगातार परेको वर्षाका कारण सप्तकोसी नदीमा पानीको बहाव यो वर्षकै उच्च भएको छ । आज बिहान गरिएको मापनका अनुसार नदिमा पानीको बहाव यो यस वर्षकै उच्च हो । आज (शनिबार) बिहान गरिएको मापनअनुसार कोसी ब्यारेजमा दुई लाख ३१ हजार ५ सय १५ क्युसेक पानीको बहाव रहेको छ । यसअघि शुक्रबार राति १२ बजे एक लाख ५५ हजार ७७५ क्युसेकभन्दा बढी पानीको बहाव मापन गरिएको ब्यारेजस्थित नियन्त्रण कक्षले जनाएको छ । नदीमा पानीको बहाव बढेपछि ५६ वटा ढोका मध्ये ब्यारेजका ३० वटा ढोका खुला गरिएको सुनसरीका सहायक प्रमुख जिल्ला अधिकारी महेशकुमार पोखरेलले जानकारी दिए । थप ढोका खोलिदिन भारतीय पक्षलाई आ
बिर्तामोड / निरन्तर परिरहेको बर्षाका कारण बिरिङ नदीमा आएको बाढीले झापा गाउँपालिकाका २० घर डुबानमा परेका छन्। झापा गाउँपालिका– ५ खयरबारीको तटबन्ध भत्काएर खोला गाउँ पसेपछि घरहरु डुबानमा परेका हुन्।तटबन्ध भत्किए सँगै आसपासको बस्ती उच्च जोखिममा रहेको नेपाल रेडक्रस सोसाइटी झापाका अध्यक्ष लोकराज ढकालले जानकारी दिएका छन् ।त्यसैगरी, गौरीगञ्ज गाउँपालिकाको आमडाँगीमा १५ घर डुबानमा परेका छन् । कमल गाउँपालिकाको वडा नं.७ झर्काबाट रतुवा नदीको बाढी गौरादह नगरपालिकाको वडा नं. ५ को बालुबथानतिर पस्ने अवस्था छ । जिल्लाका विभिन्न स्थानमा आजको अबिरल बर्षाका कारण स्थान जलमग्न भएको र त्यसको
बिर्तामोड / फ्रान्समा आयोजित यूएन जेनेरेसन समता मञ्चमा ट्वीटर, टिकटक, गुगल र फेसबुकले आफ्नो प्लेटफर्म मार्फत महिलामाथि हुने दुव्र्यवहार रोक्न थप सुरक्षा दिने प्रतिबद्धता ब्यक्त गरेको छ । अनलाइनमा आधारित लैङ्गिक हिंसा तथा दुर्व्यवहार कम गर्न वर्ल्ड वाइड वेब फाउन्डेसनले गत वर्षदेखि सुरु गरेको परामर्शका क्रममा उक्त प्रतिज्ञा आएको हो ।वर्ल्ड वाइड वेब फाउन्डेसनले परामर्शका क्रममा महिलाहरूले आफ्नो सामाजिक सञ्जालको पोस्टमा कसले कमेन्ट गर्न सक्ने वा रिप्लाई दिनसक्ने भन्ने विषयमा थप नियन्त्रण चाहने र अनलाइनमा कहाँ, कहिले र के हेर्ने भन्नेमा थप रोजाइ खोज्ने गरेको देखिएको छ । महिला
धादिङ / धादिङको बेनीघाट रोराङ गाउँपालिका –१० जवाङमा पहिरोमा पाँच वटा सवारी साधन पुरिँदा दुई जनाको मृत्यु भएको छ भने छ जना घाइते भएका छन् । ना ८ ख ४५४० नम्बरको ट्रकमा रहेका चितवनको राप्ती नगरपालिका ६ बस्ने अन्दाजी १८ वर्षीय बिरबल प्रजा र ना ७ ख ३२० नम्बरको कन्टेनरमा सवार भारतकी ४३ वर्षीया सोनी देवीको मृत्यु भएको हो ।प्रजा सोही ट्रकमा मृत फेला परेका हुन् भने सोनीको आज बिहान उपचारको क्रममा गण्डकी अस्पताल पोखरामा मृत्यु भएको जिल्ला प्रहरी कार्यालय धादिङका इन्स्पेक्टर रन्जन अवाले जानकारी दिए ।पहिरोमा बा १२ च ७१५६ नम्बरको म्याजिक भ्यान, ना ७ ख ३२० नम्बरको कन्टेनर, बा १ ग २८३१ नम्बरको ट्रक
विराटनगर / कोरोना बिमा वापत दाबी गरिएको रकम एक हप्ताभित्र भुक्तानी गर्न माग गर्दै विराटनगरका कोरोना पीडित पत्रकारहरूले बिमा कम्पनीलाई ज्ञापन पत्र बुझाएका छन् । विराटनगरस्थित अजोड इन्सुरेन्स लि. का प्रबन्धक केदारबहादुर खत्रि समक्ष बिमाबाट रकम नपाएका १९ जना पत्रकारहरूको टोलीले ज्ञापनपत्र बुझाएका हुन् । उनीहरूले संक्रमित भई बीमा दाबी गरेको एक महिनाभित्र भुक्तानी दिने भनी गरेको प्रतिवद्धता विपरीत ११ महिना बितिसक्दा पनि भुक्तानी नदिएको बताएका छन् । ‘तपाईँहरूले नेपाल सरकारको घोषित कार्यक्रम कार्यान्वयन गर्नुभएको हो । हामीले तपाईँहरूले तोकेको प्रिमियम तिरेर बीमा गरेका हौं । तपाईँहरूले हामीस
सुनसरी / सुनसरीको इटहरी उपमहानगरपालिकाबाट चोरीको आरोपमा प्रहरीले दुई जनालाई पक्राउ गरेको छ । पक्राउ पर्नेमा इटहरी उपमहानगरपालिका –३ का २९ वर्षीय सुमन तामाङ र धरान उपमहानगरपालिका –१९ का २४ वर्षीय सुरज परियार रहेका छन् । तामाङ इटहरी –३ का अनन्त प्रसाद पौडेलको नगद १ लाख ३५ हजार र १४ हजार मूल्य बराबरको सुनको गहना चोरी गरेको आरोपमा पक्राउ परेका हुन् । ज्येष्ठ १२ गते बिहान अन्दाजी ६ बजेको समयमा पौडेलको घर कोठाबाट नगद तथा गहना हराएको भन्ने सूचनाका आधारमा चोरीमा संलग्न रहेका ब्यक्तिको खोजतलासमा खटिएको प्रहरी टोलीले तामाङलाई पक्राउ गरेको हो । तामाङको साथबाट प्रहरीले नगद ६९ हजार ५ सय नगद समेत
बिर्तामोड / कोरोना महामारीले निषेध भएको आन्तरिक हवाई उडान बिहीबार देखि सुचारु भएसँगै श्री एयरलाइन्सले यात्रुलाई विशेष छुट दिने निर्णय गरेको छ ।एयरलाइन्सले नेपाल सरकारको राष्ट्रिय खोप कार्यक्रमलाई प्रोत्साहन गर्दै कोरोना भाइरस विरुद्धको खोप लगाएका यात्रुलाई छुट दिने घोषणा गरेको हो ।आन्तरिक उडानका क्रममा कोरोना खोपको दुई डोज लगाएको पत्र टिकट बिक्री काउन्टरमा देखाएपछि यात्रुलाई भाडामा छुट दिइने एयरलाइन्सले जानकारी दिएको छ । छुटको टिकट लिएका तथा खोप कार्ड भएका यात्रुले विमानस्थल प्रवेशको समयमा पनि विशेष प्राथमिकता पाउने एयरलाइन्सले जानकारी दिएको छ ।
भक्तपुर / भक्तपुरमा छोरीलाई यौन दुर्व्यवहार गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा ओखलढुङ्गा घर भइ चाँगुनारायण नगरपालिका – ८ सुडाल बस्ने ३१ वर्षीय पुरुष रहेका छन् । गत जेठ १० गते १५ वर्षीया छोरीलाई यौन दुर्व्यवहार गरेको उजुरीको आधारमा उनलाई महानगरीय प्रहरी विभाग सुडालबाट खटिएको प्रहरीले पक्राउ गरेको हो ।
बिर्तामोड / जल तथा मौसम विज्ञान विभागले आज देशका अधिकांश भू –भागमा मेघ गर्जन तथा चट्याङसहित भारी वर्षाको सम्भावना रहेकाले विशेष सतर्कता अपनाउन सबैलाई आग्रह गरेको छ ।जल तथा मौसम विज्ञान विभाग, मौसम पूर्वानुमान महाशाखाका अनुसार देशभर हाल मनसुनी वायुको सक्रिय प्रभाव तथा तराई नजिक मनसुनी न्यून चापीय रेखा रहेकाले अधिकांश स्थानमा हल्कादेखि मध्यम वर्षा भइरहेको हो ।महाशाखाले प्रदेश १, प्रदेश २, बागमती, लुम्बिनी र गण्डकी प्रदेशका केही स्थानमा मेघ गर्जन तथा चट्याङसहित भारी वर्षाको सम्भावना रहेकाले विशेष सतकर्ता अपनाउन आग्रह गरेको हो । ती प्रदेशका पहाडी भू –भागमा भूक्षय, पहिरो तथा गेग्रान बहावको जोख
Copyright © 2021 / 2026 / Esoul Media (P) Ltd. / All Rights Reserved.
