इलाम । शनिबार रातिदेखि परेको अविरल वर्षासँगै आएको बाढी र पहिरोमा परी इलाममा १८ जनाको मृत्यु भएको छ । जिल्लाको विभिन्न ठाउँमा १८ जनाकाृ मृत्यु भएको कोशी प्रदेश प्रहरी कार्यालयका प्रवक्ता प्रहरी वरिष्ठ उपरीक्षक दीपक पोखरेलले जानकारी दिए । इलाममा आएको पहिरोले १८ जनाको ज्यान लिएको छ । सूर्योदय नगरपालिका– १ मानेभञ्ज्याङमा ५, माङसेवुङ गाउँपालिका– १ पाटिगाउँमा ३, देउमाई नगरपालिका– ५ धारेमा १, देउमाई– ५ धुसुनेमा २ जनाको ज्यान गएको छ।फाकफोकथुम गाउँपालिका– ३ रातमाटेमा १ र इलाम नगरपालिका– ५ घोसगाउँमा ६ जनाको मृत्यु भएको छ । प्रहरीले घटनास्थलमा खोज तथा उद्धार कार्य तीव्र रूपमा जारी राखेको छ ।
रौतहट— शनिबार साँझको आकस्मिक मौसम परिवर्तनले रौतहट जिल्लामा दुःखद क्षति पुर्याएको छ। हावाहुरीसहितको अविरल वर्षाका बीच परेको चट्याङले तीन जनाको मृत्यु भएको छ भने सुरक्षाकर्मीको सेवा सञ्चालनमा प्रयोग हुने उपकरणसमेत क्षति पुर्याएको छ।साँझ करिब ६ बजे चट्याङ लागेर कटहरिया नगरपालिका–२ हंथियाहि गाउँका १६ वर्षीय सेराज लहेरी र १६ वर्षीय नवीन यादवको घटनास्थलमै मृत्यु भएको जिल्ला प्रहरी कार्यालयका प्रवक्ता डिएसपी राजु कार्कीले जानकारी दिए । दुवै किशोर घर बाहिर सामान्य रूपमा घुमिरहेका बेला चट्याङ लागेको कार्कीको भनाइ छ ।यसैगरी, ईशनाथ नगरपालिका–८ मनसरी गाउँका ४५ वर्षीय शेख जमरुन (ननक) पनि आफ्नै घरको
राजविराज— पछिल्ला दिनहरूमा परेको अविरल वर्षाका कारण सप्तकोशी नदीमा पानीको बहाव अत्यधिक बढेको छ। आइतबार बिहान ८ बजेको मापन अनुसार नदीमा पानीको बहाव ३ लाख ३५ हजार ३ सय ६९ क्यूसेक पुगेको छ, जुन सामान्य भन्दा तीन गुणा बढी हो।शनिबार साँझदेखि निरन्तर बढिरहेको बहावले जोखिमको संकेत दिँदै शनिबार रातिदेखि नै सप्तकोशी ब्यारेजमा रातो झण्डा र बत्ती बालिएको छ। नियमअनुसार नदीमा बहाव १ लाख ५० हजार क्यूसेक नाघेपछि रातो संकेत दिइने गरिन्छ।सप्तकोशी ब्यारेजका ५६ ढोकामध्ये ५० वटा ढोका अहिले खोलिएका छन्। प्रमुख जिल्ला अधिकारी टुवराज पोखरेलका अनुसार अझै पनि बहाव बढ्ने सम्भावना छ। यद्यपि, उनले तत्काल पुल आवतजावतमा रो
काठमाडौं— पहिरोले पटक पटक अवरुद्ध बन्दै आएको मुग्लिङ–नारायणगढ सडक आज बिहानदेखि दुईतर्फी सञ्चालनमा आएको छ । तुइन खोलाको पहिरो हटाइएसँगै सडक दुईतर्फी सञ्चालनमा आएको सडक डिभिजन भरतपुरले जनाएको हो ।अझैपनि ठाउँ ठाउँमा ससाना पहिरो र ढुङ्गा खस्नेक्रम भने रोकिएको छैन । त्यसैले यात्रामा सावधानी अपनाउन कार्यालयले अनुरोध गरेको छ ।
इलाम । इलाममा पहिरोले एक घर पुरिँदा दुई बालबालिकाको मृत्यु, तीन जना बेपत्ता भएका छन।इलामको इलाम नगरपालिका वडा नं. ६ घोसमा पहिरोले पुर्दा एकै परिवारका दुई जनाको मृत्यु भएको छ । तीन जना बेपत्ता छन् । डम्बरबहादुर पाख्रिनको घर पहिरोले पुर्दा २ बालबालिकाको मृत्यु भएको हो । घटनास्थलमा खोज तथा उद्धारको काम जारी छ । २ जना घाइतेलाई उपचारका लागि अस्पताल लैजाने तयारी भइरहेको स्थानीय युवा रेवज तामाङले जानकारी दिएका छन् । घटनामा दुई जना घाइतेलाई उपचारका लागि अस्पताल पठाइएको इलाम प्रहरीले जनाएको छ। दुर्घटनाको थप विवरण आउन बाँकी रहेको छ।
झापा । जल तथा मौसम विज्ञान विभागका अनुसार कोशी प्रदेशका केहि जिल्लाहरूमा पनि लगातार भारी वर्षा भइरहेको छ र यो क्रम भोलीसम्म निरन्तर रहने अनुमान गरिएको छ।पछिल्लो २४ घण्टादेखि देशका पूर्वी जिल्लाहरू सप्तरी, सुनसरी र मोरङमा अति भारी वर्षा मापन भएको छ। विभागले शनिबार राति ११: ५५ मा जारी गरेको सूचना अनुसार लगातारको वर्षाका कारण ती क्षेत्रका नदीनाला तथा सुकुम्बासी बस्तीहरूमा बाढी र डुबानको उच्च जोखिम देखिएको छ। विभागले प्रभावित क्षेत्रमा रहने सर्वसाधारणलाई अति उच्च सतर्कता अपनाउन तथा आवश्यक परे सुरक्षित स्थानमा जान आग्रह गरेको छ।
काठमाडौं— लगातारको वर्षाका कारण पाँचथरका प्रमुख राजमार्ग तथा आन्तरिक सडकहरू अवरुद्ध भएका छन् । जिल्ला प्रहरी कार्यालय पाँचथरका अनुसार जिल्लाभरिमा १२ स्थानमा सडक आवागमन पूर्ण रूपमा बन्द भएको छ ।पहिरोको धेरै प्रभाव मेची राजमार्गमा परेको छ । पाँच स्थानमा पहिरो खसेपछि आवागमन पूर्ण रूपमा अवरुद्ध भएको प्रहरीले जानकारी दिएको छ । फाल्गुनन्द गाउँपालिका– ३ को रमाइलो चोक, पौवा चोक, चिम्फुला, फिदिम नगरपालिका– ३ को चिज फ्याक्ट्री र लालीखर्कमा ठूला पहिरो खसेको छ ।त्यस्तै, तुम्वेवा गाउँपालिका– २ को नावाखोला क्षेत्रमा तमोर करिडोर सडक दुई स्थानमा अवरुद्ध भएको छ । एकातर्फ पहिरो खसेको छ भने अर्को ठाउँमा नदीको पा
काठमाडौं— आईसीसी टी-२० विश्वकपको छनोटको तयारीमा रहेको नेपालले पहिलो वार्मअप म्याचमा ओमानलाई ६ विकेटले पराजित गरेको छ। शनिबार भएको खेलमा ओमानले प्रस्तुत गरेको १११ रनको लक्ष्य नेपालले सहजै पूरा गरेको हो।नेपालले १७ ओभरको समाप्तिमा ४ विकेट गुमाउँदै लक्ष्य भेट्टायो। नेपालको जितमा ओपनर आसिफ शेखले ६१ रनको शानदार अर्धशतकीय इनिङ्स खेले। अन्य ब्याट्सम्यानमध्ये कप्तान रोहित पौडेलले २५ रन, कुशल भुर्तेलले ११ रन र कुशल मल्लले १० रन जोडे।सुरुमा ब्याटिङ गरेको ओमानले निर्धारित २० ओभर खेल्दै ९ विकेटको क्षतिमा ११० रन बनाएको थियो। ओमानलाई सस्तैमा समेट्नका लागि नेपालका बलरहरूले उत्कृष्ट प्रदर्शन गरे। सोमपाल कामी,
काठमाडौं— नारायणगढ(मुग्लिन सडक खण्डको तीन ठाउँमा पहिरो खसेको छ । तुइनखोला, कालीखोला तथा फिस्लिङदेखि उत्तर खण्डमा पहिरो खसेको चितवनका प्रमुख जिल्ला गणेश अर्यालले जानकारी दिए ।उनका अनुसार पहिरोका कारण दुवैतर्फ सडक अवरुद्ध रहेको छ । तीन स्थानमा अहिले पनि पहिरो तथा ढुङ्गा खसिरहेको सीडीओ अर्यालको भनाइ छ । पहिरो गएका स्थानमा बाटो खुलाउने प्रयास भइरहेको उनले बताए। पहिरोको जोखिमका कारण शुक्रबार साँझ ६ बजेदेखि जिल्ला सुरक्षा समितिले नै यस क्षेत्रमा गाडी चलाउन रोकेको थियो ।
काठमाण्डौ । नवदुर्गाको प्रसाद ग्रहण गर्ने क्रम जारी छ । विजयादशमीका दिनदेखि सुरु भएको नवदुर्गाको प्रसाद स्वरुप टीका र जमरा लगाउने क्रम कोजाग्रत पूर्णिमाका दिन अखिल बलि पूर्ति नभएसम्म जारी रहन्छ ।यस वर्ष असोज २० गते सोमबार कोजाग्रत पूर्णिमा अखिल बलि पूर्ति परेको नेपाल पञ्चाङ्ग निर्णायक विकास समितिले जनाएको छ । नेपालीले आश्विन शुक्ल प्रतिपदादेखि आश्विन शुक्ल पूर्णिमासम्मको १५ दिन बडा दशैं पर्व भव्य रुपमा मनाउँछन् । आश्विन शुक्ल प्रतिपदाका दिन वैदिक विधिपूर्वक दशैं घर वा पूजाकोठामा स्थापना गरिएको घडाको अभिषेकसहित टीका र जमरा लगाउने विजयादशमीका दिन बिहान देवी विसर्जन गरेपछि नै सु
Copyright © 2021 / 2026 / Esoul Media (P) Ltd. / All Rights Reserved.
