पाँचथर— मेची राजमार्ग अन्तरगत पाँचथरको फिदिम नगरपालिका–४ र हिलिहाङ गाउँपालिका–७ स्थित हेवा खोलामा रहेको निर्माणाधिन बेलिबृज भाँचिदा ३ जना कामदारको मृत्यु भएको छ । मृत्यु हुनेमा बारा सिमरा उप–महानगरपालिका–१२ का २२ बर्षीय रुपलाल चौधरी, २७ बर्षीय राजन चौधरी र २२ बर्षीय राकेश चौधरी रहेका छन ।
निर्माणाधिन बेलिबृज भाँचिदा ३ जना गम्भिर घाईते भएका छन । जेठ ३१ गते बेलुका बेलीबृज जडान गर्ने क्रममा अचानक भाँचिदा घाईते भएका कामदारहरुलाई जिल्ला प्रहरी कार्यालय पाँचथरबाट प्रहरी नायव उपरीक्षक कौशल कुमार बुढाथोकी सहितको प्रहरी टोलीले तत्काल उद्धार गरी पाँचथर अस्पतालमा ल्याई थप उपचारको लागि विराटनगर स्थित नोवेल अस्पताल पठाएकोमा डाक्टरले चेकजाँचको क्रममा तीन जनालाई मृत घोषणा गरेको हो ।
गम्भिर घाईते भएका बारा सिमरा उप(महानगरपालिका१२ का २५ बर्षीय भुनेश्वर चौधरी, ३५ बर्षीय प्रकाश चौधरी र ३० बर्षीय अभिषेक चौधरीको सोही अस्पतालमा उपचार भईरहेको छ ।
