धनुषा— धनुषामा छुराप्रहार गरी एक वृद्धको हत्या गरिएको छ । आफ्नै ज्वाइँले छुरा प्रहार गरी हत्या ती वृद्धको हत्या गरेको जिल्ला प्रहरी कार्यालयले जनाएको छ ।
जनकपुरधाम उपमहानगरपालिका–१५ कुवारामपुर बस्ने ६५ वर्षीय वासुदेवप्रसाद विमलको हत्या भएको प्रहरीले जनाएको छ । विमललाई उनकै ज्वाइँ जनकपुरधाम–२१ कुर्थाका ४८ वर्षीय बेचन महासेठले बुधबार बिहान १० बजे घरमै छुरा प्रहार गरेको प्रहरीले जनाएको छ ।
जग्गासम्बन्धी घरायसी विवादका कारण बेचनले ससुरालाई घरमै छुरा प्रहार गरेका जिल्ला प्रहरी कार्यालय प्रवक्ता प्रहरी नायव उपरीक्षक वरुणबहादुर सिंहले जानकारी दिए । ज्वाँइले पेटमा चक्कु प्रहार गरेपछि वासुदेव गम्भीर घाइते भएका थिए ।
वृद्धलाई उपचारका लागि प्रादेशिक अस्पताल जनकपुरमा पु¥याइएको भए पनि चिकित्सकले मृत घोषणा गरेका थिए ।
घटनापश्चात चक्कु प्रहार गर्ने ज्वाइँ बेचन फरार छन् । घटनाबारे थप अनुसन्धान भइरहेको जिल्ला प्रहरी कार्यालयले जनाएको छ ।