जब अभिनेत्री मंदाकिनीले फिल्ममा प्रवेश गरिन, प्रवेश गर्ने बित्तिकै सनसनी मच्चाउन सफल भइन् ।
खासमा उनले ‘राम तेरी गंगा मैली’बाट डेब्यु गरेकी थिइन, यही फिल्मले उनलाई रातारात स्टार बनाउन सफल भयो । यो फिल्ममा उनले निकै बोल्ड सिन दिएकी थिइन, जुन बेलाको बलिउड उधोगमा यो सम्भवः नै थिएन ।
यो फिल्ममा मंदाकिनी झरना मुनि नुहाउने दृश्य छ । यो दृश्यलाई लिएर निकै हंगामा भएको थियो । उनी पातलो सेतो साडी लगाएर झरना मुनि नुहाउँदै गरेको देखिएकी थिइन् । यस क्रममा उनको यो अवतार निकै बोल्ड थियो, अहिले पनि उनले दिएको सिन दिन आजकालका हिरोइन पनि अझै हिच्किचाउँछन् ।
‘राम तेरी गंगा मैली’ राज कपूरले बनाएका हुन् । फिल्ममा उनी गंगा सिंहको भूमिकामा थिइन् । यो फिल्ममा राज कपुरका छोरा राजीव कपूर पनि रहेका छन् र त फिल्म ब्लकबस्टर भयो ।
यो फिल्मपछि मंदाकिनीले ओम, जीवा, आग और शोला, जाल, अपने अपने, लोहा, प्यार देखे, डान्स डान्स, शूरवीर, जिते हैं शान से, परम धरम, हवालत, मलामाल, नाग नागिन, दुश्मन, प्यार के नाम कुर्बान, प्यार का सौदागर, देशवासी, नाच गोविन्द नाच जस्ता धेरै फिल्ममा देखिइन् । उनी अन्तिम पटक सन् १९९६ मा आएको फिल्म जोर्डरमा देखिएकी थिइन् । मंदाकिनीले पहिलो फिल्मबाट पाएको सफलता भने पछिसम्म कायम राख्न सकिनन् ।
मंदाकिनीको जन्म ३० जुलाई १९६३ मा भएको थियो । उनका बुबा ब्रिटिश र आमा कश्मीरी थिए । जब सन् १९९० मा मदांकिनीको नाम अन्डरवर्ल्ड डन दाउद इब्राहिमसँग जोडिन पुग्यो, त्यसपछि उनको करियरको पतन सुरु भयो ।
फिल्ममा नचले पछि मंदाकिनीले बौद्ध भिक्षु डा. काग्युर टी रिन्पोछे ठाकुरसँग विवाह गरिन्। विवाहपछि मंदाकिनी फिल्मबाट टाढिएर पतिसँग बसिन् । उनले आफ्नो सम्पूर्ण ध्यान परिवारमा केन्द्रित गरिन् ।
