सर्लाही । इलाका प्रहरी कार्यालय लालबन्दीका प्रमुख प्रहरी निरीक्षक वीरेन्द्र सिंह जोहारीको कमाण्डमा खटिएको प्रहरी टोलीले गोप्य सूचनाका आधारमा चेकजाँच गर्ने क्रममा लालबन्दी नगरपालिका–८ खतिवडा चोक नजिकबाट करिब २५ केजी गाँजासहित १ युवकलाई पक्राउ गरेको छ ।
पत्थरकोटबाट लालबन्दीतर्फ आउँदै गरेको बागमती प्रदेश–०२–०४२ प ४०५३ नम्बरको मोटरसाइकललाई शंका लागी रोक्न खोज्दा चालकसहित २ जना सवार युवक झोला फालेर खेततर्फ भागेका थिए । प्रहरीको पछ्याइपछि लालबन्दी नगरपालिका–१४ कामिटारका २० वर्षीय सन्ते ब्लोन पक्राउ परे पनि अर्का युवक फरार छन् ।
बरामद गाँजा, मोटरसाइकल र पक्राउ परेका युवकलाई नियन्त्रणमा लिएर जिल्ला अदालत सर्लाहीबाट लागूऔषध मुद्दामा ५ दिनको म्याद थप गरी अनुसन्धान भइरहेको प्रहरीले जनाएको छ ।
