बिराटनगार । नोबेल मेडिकल कलेज विराटनगरको भवनबाट खसेका एक जना इन्टर्न डाक्टरको उपचारको क्रममा मृत्यु भएको छ।
मोरङ प्रहरीका अनुसार आइतबार बिहान ६:३० बजेको समयमा नोबेल मेडिकल कलेजको मुख्य गेटतर्फको भवनको पाँचौं तलाबाट खसेर ३४ वर्षीय अमित यादवको मृत्यु भएको हो ।
सप्तरीको राजविराज नगरपालिका वडा नं. ९ जगदरी घर भएका यदब पाँचौ तलामाथिबाट तल भुइँमा खसेका थिए । टाउकोमा गम्भीर चोट लागेका उनलाई तत्काल सोही अस्पतालको आकस्मिक कक्षमा भर्ना गरिएको थियो ।
उपचारको क्रममा उनको मृत्यु भएको नोबेल शिक्षण अस्पतालका व्यवस्थापक दिपेश राईले जानकारी दिएका छन् ।यादव सोही मेडिकल कलेजको एमबीबीएस इन्टर्न डाक्टर हुन् । उनको शव हाल नोबेल अस्पतालमा राखिएको छ । घटनाको अनुसन्धान भइरहेको प्रहरिले जानकारि दिएको छ।
