सिन्धुली / प्रतिनिधिसभा तर्फ नेकपा माओवादी केन्द्रले खाता खोलेको छ । सिन्धुली –२ मा माओवादीका उम्मेदवार लेखनाथ दाहाल (राजन) निर्वाचित भएसँगै माओवादीले खाता खालेको हो ।दाहालले २७ हजार ५१७ मत पाएका छन् । उनका निकटतम प्रतिस्पर्धी नेकपा एमालेका उम्मेदवार मनोजजंग थापाले २१ हजार ६८७ मत प्राप्त गरेका छन् । दाहालले थापालाई पाँच हजार ८३० मतले पराजित गरेका हुन् । दाहाल यसअघि प्रदेशसभा सदस्य थिए ।
झापा / मोरङका सबै निर्वाचन क्षेत्रमा पछिल्लो मतपरिणाम अनुसार मिश्रित परिणाम आउने देखिएको छ ।प्रतिनिधि सभातर्फका ६ निर्वाचन क्षेत्र मध्ये अहिले सम्म एमाले र कांग्रेस दुई निर्वाचन क्षेत्रमा अगाडि छ भने एउटामा माओवादी र एउटामा स्वतन्त्र उम्मेदवार अगाडि छन् । क्षेत्र नम्बर १ मा एमालेका घनश्याम खतिवडा ७ हजार २९ मतले अगाडी छन् । उनका निकटम् प्रतिद्वन्द्वी कांग्रेसका डिग बहादुर लिम्बू ६ हजार ४५८ सहित पछ्याईरहेका छन् । अहिलेसम्म खतिवडा र लिम्बूबीचको मतअन्तर ५७१ रहेको छ ।यस्तै मोरङ २ मा पनि काङ्ग्रेसकी सुजता कोइराला भन्दा एमालेका ऋषिकेश पोखरेल अगाडी छन् । पोखरेलले ९ हजार ९६८ मत ल्याउँदा कोइरालाले
झापा / ताप्लेजुङमा एमालेका योगेश भट्टराई ४ सय ३३ मतले पछाडि परेका छन् । हालसम्मको मतगणनामा पहिलो स्थानमा रहेका माओवादीका खेलप्रसाद बूढाक्षेत्रीले १८ हजार ५ सय २४ मत ल्याएका छन् । भट्टराईको भने १८ हजार ९१ मत मात्रै आएको छ । अघिल्लो निर्वाचनमा भट्टराई यसै क्षेत्रबाट निर्वाचित भएका थिए ।
झापा / मंसिर ४ गते सम्पन्न प्रतिनिधिसभा तथा प्रदेशसभाको समानुपातिकतर्फ अहिलेसम्म सबैभन्दा धेरै मत नेकपा एमालेले ल्याएको छ । एमाले हालसम्म २ लाख सात हजार २९९ मत पाएको छ ।यस्तै, नेपाली कांग्रेस दोस्रो स्थानमा छ । कांग्रेसले १ लाख ८३ हजार ३५२ मत पाएको छ भने राष्ट्रिय स्वतन्त्र पार्टीले ९५ हजार ५९८ मत ल्याएर अहिलेसम्म तेस्रो स्थानमा छ ।नेकपा माओवादीले ८६ हजार ४३३ मत, एकीकृत समाजवादीले १० हजार ९१९, राष्ट्रिय प्रजातन्त्र पार्टीले ४९ हजार ७६२, नागरिक उन्मुक्ति पार्टीले ९ हजार ६९३, जसपाले १५ हजार १८ र जनमत पार्टी ९ हजार ४६१ मत पाएको छ । मतगणना जारी छ ।
बिर्तामोड / झापा –२ मा ५८ हजार ६०८ मत गणना हुँदा नेकपा एमालेका देवराज घिमिरेको अग्रता कायमै रहेको छ । घिमिरेले १९ हजार १८९ मत प्राप्त गर्दा स्वतन्त्र उम्मेद्वार भद्र प्रसाद (स्वागत) नेपालले १७ हजार ५९७ मत प्राप्त गरेका छन् । उनीहरु बीचको मतान्तर १५९२ रहेको छ । त्यस्तै माओवादी केन्द्रका उम्मेद्वार हरि कुमार राना १० हजार १८९ मतसहित तेस्रो स्थानमा छन् । अहिले ३६७५ मत बदर भएको छ ।
बिर्तामोड / झापा क्षेत्र नम्बर १ मा नेपाली कांग्रेसका विश्वप्रकाश शर्माको जित सुनिश्चित बनेको छ । पछिल्लो मतपरिणाम अनुसार गणना हुन बाँकी भन्दा बढी मत प्राप्त गरिसकेकोले उनको जित सुनिश्चित भएको हो । यस क्षेत्रमा ११ हजार ३९१ मत गन्न बाँकी रहेको छ ।तर उनले आफ्नो प्रतिस्पर्धी नेकपा एमालेका उम्मेदवार अग्निप्रसाद खरेलले भन्दा १२ हजार ६८० मतका साथ अघि छन् । खरेलले २१८२८ मत ल्याएका छन् ।
झापा / काठमाडौँ –७ मा राष्ट्रिय स्वतन्त्र पार्टीका उम्मेदवार गणेश पराजुली निर्वाचित भएका छन् ।आज बिहान सम्पन्न प्रतिनिधिसभा उम्मेदवारको मतगणनामा राष्ट्रिय स्वतन्त्र पार्टीका उम्मेदवार पराजुलीले ८७४३ मत ल्याई विजयी भएका हुन् । छ हजार ८०० मतका साथ नेकपा एमालेका उम्मेदवार श्यामकुमार घिमिरे दोस्रो भएका छन् भने लोकतान्त्रिक–वाम गणबन्धनकी उम्मेदवार मानुषी यमी भट्टराई छ हजार ६३ मतसहति तोस्रो भएकी निर्वाचन अधिकृत उषा श्रेष्ठले जानकारी दिए ।यस्तै एक हजार पाँच सय ७४ मत बदर भएको छ । कुल २४ हजार एक सय ९८ मतगणना हुँदा काठमाण्डु क्षेत्र नं ७ मा प्रतिनिधिसभामा २९ जना उम्मेदवार प्रतिस्पर्धामा थिए ।
झापा / राष्ट्रिय स्वतन्त्र पार्टीकी उम्मेदवार डा. तोसिमा कार्की ललितपुर क्षेत्र नम्बर ३ बाट निर्वाचित हुने पक्का भएकाे छ । कार्कीले हालसम्म १४ हजार २०८ मत ल्याएकी छिन् भने उनका निकटम् प्रतिस्पर्धी नेकपा एमालेका उम्मेदवार अमृत खड्काले ८ हजार २२३ मत ल्याएका छन् । उनीहरू बीचकाे मतान्तर पाँच हजार ९७८ रहेकाे छ ।त्यसतै नेकपा माओवादी केन्द्रकी पम्फा भुसालले ५४५६ मत ल्याएकी छिन् ।
झापा / एक मात्र निर्वाचन क्षेत्र रहेको डडेल्धुरामा नेपाली कांग्रेसका सभापति एवं प्रधानमन्त्री शेरबहादुर देउवा निर्वाचित भएका छन् । बुधबार बिहान प्राप्त मत गणनाअनुसार प्रधानमन्त्री देउवा भारी मतान्तरका साथ विजयी भएका हुन् ।प्रधानमन्त्री देउवाले २५ हजार ५३४ मत प्राप्त गर्दै विजयी बनेका हुन् । उनका निकटतम् प्रतिद्वन्द्वी स्वतन्त्र उम्मेदवार सागर ढकाल १३ हजार ४२ मत प्राप्त गर्दै दोस्रो स्थानमा रहेका छन् ।देउवा र ढकालबीचको मतान्तर १२ हजार ४९२ रहेको छ। नेपाली कांग्रेस बीपीका उम्मेदवार कर्णबहादुर मल्ल ७ हजार ५३५ मत ल्याए । देउवाले डडेल्धुराबाट २०४८ सालदेखि लगातार निर्वाचन जित्दै आएका छन्
पाँचथर / एउटा मात्र निर्वाचन क्षेत्र रहेको पाँचथरमा नेपाली कांग्रेसका सहमहामन्त्री भीष्मराज आङदम्बेको अग्रता रहेको छ । ७ हजार ४ सय ९० मतगणना हुँदा नेकपा (एमाले)का केन्द्रीय सदस्य बसन्तकुमार नेम्बाङलाई ३२ मतले पछि पार्दै आङ्देम्बेले अग्रता लिएका हुन् । आङ्देम्बेले ३ हजार २ सय ६ मत प्राप्त गर्दा दोस्रो स्थानमा रहेका नेम्बाङले ३ हजार १ सय ७४ मत प्राप्त गरेका छन् । पाँचथरमा ७५ हजार ३ सय ५२ मत खसेको छ ।नेम्बाङ प्रतिनिधिसभाका निवर्तमान सांसद पनि हुन् । उनले २०७४ को निर्वाचनमा आङदेम्बेलाई हराएका थिए ।
Copyright © 2021 / 2025 / Esoul Media (P) Ltd. / All Rights Reserved.
