सिरहा – सिरहाको सुखीपुर नगरपालिका–४ पोखरिया स्थित एक घरमा लुकाई राखिएको ठूलो परिमाणको लागूऔषध गाँजा प्रहरीले बरामद गरेको छ ।बरामद गाँजाको तौल ७१७.६ किलोग्राम रहेको छ भने घरधनी फरार रहेको जिल्ला प्रहरी कार्यालय सिरहाले जनाएको हो ।गोप्य सूचनाको आधारमा २०८२ साल साउन २ गते बिहान ६ बजे प्रहरी चौकी सिलौर्वा पछवारीका प्रमुख प्रहरी सहायक निरीक्षक नन्दु राउतको कमाण्डमा चार जना प्रहरी र सशस्त्र प्रहरी बल बेसक्याम्प सुखीपुरका सशस्त्र प्रहरी नायब निरीक्षक अनिल कुमार यादवको कमाण्डमा चार गरी आठ जनाको संयुक्त टोली खटिएको थियो ।टोलीले पोखरिया निवासी करिब ६० वर्षीय मेदी यादवको घरमा छापा मार्दा घरभित्र २६ वटा प
धादिङ— धादिङको फुर्के खोलानजिक रहेको राजमार्गमा रहेको सूचनापाटी विगत चार वर्षदेखि जीर्ण अवस्थामा रहँदा यात्रुहरूलाई जानकारी लिन असहज हुने अवस्था थियो।यात्रुहरूका लागि सूचनाको सहज पहुँच सुनिश्चित गर्न सौगात थपलिया र सन्दीप खड्काले आफ्नो व्यक्तिगत खर्चमा सो सूचनापाटी मर्मत तथा पुनःनिर्माण गरेका छन्। उनीहरूले पुरानो सूचनापाटीलाई नयाँ स्वरूपमा परिवर्तन गरी यात्रुहरूको सहूलियतका लागि उपयोगी बनाएका छन्।स्थानीयस्तरमा यस किसिमको व्यक्तिगत पहललाई सराहना गरिएको छ। जनहितका काममा व्यक्तिगत जिम्मेवारी लिने संस्कृति विकास हुँदै गएको सकारात्मक संकेतका रूपमा यस कार्यलाई हेरिएको छ।
काठमाडौं— नेकपा बहुमत निकट अखिल क्रान्तिकारीले गरेको विद्यालय बन्दप्रतिको निर्णय नेपाल विद्यार्थी संघ (नेविसंघ) ले असन्तुष्टि जनाएको छ। विद्यालय शिक्षा विधेयक जारी गर्न दबाब स्वरूप क्रान्तिकारीले आह्वान गरेको संस्थागत विद्यालय बन्दप्रति नेविसंघले असन्तुष्टि जनाउँदै जनतालाई दुःख दिने काम नगर्न अनुरोध गरेको हो।आज उपत्यकासहित देशभरका विद्यालयहरू, विशेषतः संस्थागत विद्यालयहरू बन्द गराइएको छ। उनले भनेका छन्, ‘शिक्षा ऐन जारी हुनु अत्यावश्यक छ र त्यो विद्यार्थीमैत्री हुनु पर्नेमा कुनै दुईमत छैन। तर आन्दोलनका अन्य वैकल्पिक र प्रभावकारी उपायहरू उपलब्ध हुँदाहुँदै पठनपाठन ठप्प पार्ने गरी विद्यालय ब
जनकपुर— जनकपुरधाम उपमहानगरपालिका– ११ का वडाध्यक्ष अर्जुन चौधरी पक्राउ परेका छन् । महिला प्रहरी सेलमा परेको उजुरीको आधारमा उनलाई गएराति गरेको प्रहरी स्रोतले जनाएको छ । यसअघि पनि चौधरी घुस काण्डमा मुछिएका थिए । अख्तियार दुरुपयोग अनुसन्धान आयोगले उनलाई घुससहित रंगेहात पक्राउ गरेको थियो । भ्रष्टाचार मुद्दा विशेष अदालतमा दायर गरेको थियो । तर, विशेष अदालतले उनलाई सफाइ दिएको थियो ।के कति कारणले पक्राउ गरिएको बारे प्रहरीले थप स्पष्ट भने गरेको छैन ।
काठमाडौं— तीन वर्षे अध्ययन बिदा स्वीकृत गराएर विदेश गएका नेपाल टेलिकमका ६ वरिष्ठ इन्जिनियर अध्ययन सकिएपछि समेत नेपाल फर्किएका छैनन्। अध्ययन बिदा सकिएर स्वदेश नफर्किएपछि ती कर्मचारीहरूलाई टेलिकमले ३० दिनभित्र सम्पर्कमा आएर कार्यालयमा हाजिर हुन निर्देशन दिएको छ।टेलिकमले शुक्रबार सूचना जारी गर्दै स्वीकृत अवधिभन्दा बाहिर थप बिदाको लागि दिएको निवेदन अस्वीकृत गरेको हो। कम्पनीले थप अध्ययन बिदा स्वीकृत गर्नुको औचित्य नरहेको उल्लेख गर्दै ३० दिनभित्र हाजिर नभएमा विभागीय कारबाही अघि बढाउने चेतावनीसमेत दिएको छ।टेलिकमको मानव संसाधन विभागका अनुसार विदेश गएका कर्मचारीहरूमा हरिओम ढुङ्गाना, दीपककुमार निधि, प्र
काठमाडौं— स्थानीय बजारमा (शुक्रबार) पनि सुनचाँदीको मूल्यमा वृद्धि भएको छ । शुक्रबार (आज) सुनको मूल्यमा प्रतितोला २ सय रुपैयाँले वृद्धि भएको छ भने चाँदी प्रतितोला १५ रुपैयाँले वृद्धि भएको नेपाल सुनचाँदी व्यवसायी महासंघले जनाएको छ ।मूल्य वृद्धिसँगै शुक्रबार सुनको मूल्य प्रतितोला १ लाख ९२ हजार ५ सय रुपैयाँ र चाँदी प्रतितोला २ हजार २८० रुपैयाँ कायम भएको महासंघले जनाएको छ ।यसअघि बुधबारको तुलनामा प्रतितोला १ हजार ३ सय रुपैयाँले बढ्दै बिहीबार सुन प्रतितोला १ लाख ९२ हजार ३ सय रुपैयाँमा किनबेच भएको थियो । चाँदी प्रतितोला ५ रुपैयाँले बढ्दै २ हजार २६५ रुपैयाँमा किनबेच भएको थियो ।शुक्रबार अन्तराष्ट्
इलाम— वैदेशिक रोजगारीका सिलसिलामा दुबई गएका ३५ वर्षीय लेखनाथ खतिवडाको उपचारका क्रममा निधन भएको छ।गत जेठ ५ गते दुबई पुगेका खतिवडा त्यहाँ मिडल इस्टको एफजेठ मास्ट इन्जिनियरिङ कम्पनीमा कार्यरत थिए। असार ८ गतेदेखि सिकिस्त बिरामी परेपछि उनी अस्पतालमा भर्ना भएका थिए। सुरुमा सेतो रक्तकोषको कमी देखिएपछि उपचार थालिएको थियो। पछि निमोनिया समेत देखिएपछि उनलाई आइसियुमा राखेर उपचार गरिएको थियो।तर असार २८ गते, दुबईको एआई रोसिड अस्पतालमा उपचारकै क्रममा उनको निधन भएको परिवारका लीलाधर खतिवडाले जानकारी दिए।उनीमाथि गरिएको उपचार खर्च अत्यधिक भएकोले परिवारले आर्थिक सहयोगका लागि अपिल गरेका थिए। "हामीले लाखौं रुपैयाँ
रुकुम— रुकुम पश्चिमको बाँफिकोट गाउँपालिकामा एक युवकको भिरबाट लडेर मृत्यु भएको छ । रुकुमपूर्वको सिस्ने गाउँपालिकाबाट भलिबल खेलेर साथीसँग घर फर्किने क्रममा लडेर मृत्यु भएको हो ।बाँफिकोट गाउँपालिका–२ मुरापाखा डाँडाबाट लडेर सोही पालिकाको वडा नं १ का ३० वर्षीय अजय मल्लको मृत्यु भएको जिल्ला प्रहरी कार्यालय रुकुम पश्चिमका सूचना अधिकारी ऋषि पाठकले जानकारी दिए ।भिरबाट लडेर बिहीबार साँझ गम्भीर घाइते भएका मल्लको प्राथमिक स्वास्थ्यचौकीमा सामान्य उपचारपश्चात् जिल्ला अस्पताल पठाइएकोमा निजलाई चिकित्सकले गए राति नै मृत घोषणा गरेका सूचना अधिकारी पाठकको भनाइ छ ।
काठमाडौं — गौशाला नगरपालिका–४, रजखोरमा छिमेकीलाई पेट्रोल छर्की आगो लगाएर हत्या गरेको आरोपमा एक युवक पक्राउ परेका छन्।३० वर्षीय सुरेन्द्र साहले असार २६ गते ५० वर्षीय बलिराम साहलाई पेट्रोल छर्की आगो लगाएको आरोप लागेपछि प्रहरीले उनलाई भारतको मधुवनीबाट बिहीबार दिउँसो पक्राउ गरेको हो। जिल्ला प्रहरी कार्यालय महोत्तरीका अनुसार, घटनापछि फरार रहेका सुरेन्द्रलाई अन्तर्राष्ट्रिय समन्वयमार्फत पक्राउ गरिएको हो।घटनामा गम्भीर घाइते भएका बलिराम साहलाई सुरुमा नजिकको प्राथमिक स्वास्थ्य केन्द्रमा लगिएको थियो। प्रारम्भिक उपचारपछि उनलाई थप उपचारका लागि काठमाडौं रेफर गरिएको थियो। तर बुधबार उपचारका क्रममा उनको
धरान— कोशी राजमार्गअन्तर्गत धरान–तरहरा सडकखण्डको चारकोसे झाडी क्षेत्रमा आज एक मोटरसाइकल दुर्घटना हुँदा एक व्यक्ति गम्भीर घाइते भएका छन्।प्रदेश २–००३४२७२८ नम्बरको मोटरसाइकल अनियन्त्रित भई दुर्घटना हुँदा लहान नगरपालिका निवासी ३२ वर्षीय विमल कुमार शाह गम्भीर घाइते भएका हुन्। दुर्घटनापछि उनलाई तत्काल उपचारका लागि धरानस्थित बिपी कोईराला स्वास्थ्य विज्ञान प्रतिष्ठान लगिएको छ।तरहरा प्रहरी चौकीका इन्चार्ज टिका नेपालका अनुसार, दुर्घटना अत्यधिक गति र सडकको अवस्था मिलेर भएको अनुमान गरिएको छ। मोटरसाइकल एक्लै दुर्घटनामा परेको र अन्य सवारीको संलग्नता नरहेको प्रारम्भिक अनुसन्धानबाट खुलेको छ।प्रहरीले घटनाको थ
Copyright © 2021 / 2026 / Esoul Media (P) Ltd. / All Rights Reserved.
