झापा / अछाममा पहिरोमा परेर २२ जनाको मृत्यु भएको छ भने एक जना बेपत्ता भएका छन् । शुक्रबार राति परेको अविरल वर्षाका कारण जिल्लाको कमलबजार नगरपालिका, तुर्माखाँद गाउँपालिका र ढकारी गाउँपालिकाका विभिन्न स्थानमा गएको पहिरोमा परेर २२ जनाको मृत्यु भएको हो । मृत्यु भएका २२ जनाकै सनाखत भइसकेको र बेपत्ता एक जनाको खोजतलास भइरहेको अछामका निमित्त प्रमुख जिल्ला अधिकारी दीपेश रिजालले जानकारी दिए ।मृत्यु हुनेमा कमलबजार नगरपालिका –६ ठाँटिखादका ३० वर्षीया अमृता कामी, १७ वर्षीया रीता कामी, २१ वर्षीया आराधना कामी, ९ वर्षीय निखिल कामी, ३६ वर्षीया मैनकला कामी, १५ वर्षीया गीता कामी र १२ वर्षीया शिरु कामी रह
झापा / मोरङ र बाँकेमा करेन्ट लागेर दुई जनाको मृत्यु भएको छ । मोरङको बुढिगंगा गाउँपालिका–१ मिलचौकस्थित कोशी प्याकेजिङ कार्टुन फ्याक्ट्रीमा काम गर्ने तेह्रथुम छथर शुक्रबारे घर भएका २५ वर्षीय आकाश लिम्बुको करेन्ट लागेर शनिबार मृत्यु भएको हो । सोही फ्याक्ट्री नजिक जमेको पानीको खाल्टोमा करेन्ट लगाई माछा मार्ने क्रममा करेन्ट लागेर गम्भीर घाइते भएका उनको बिराट मेडिकल कलेज टिचिङ अस्पतालमा उपचारको क्रममा मृत्यु भएको हो ।यस्तै बाँकेको राप्तिसोनारी गाउँपालिका–८ सम्शेरगन्ज बस्ने ७३ वर्षीय बुद्धिमान लामाको करेन्ट लागेर शनिबार साँझ मृत्यु भएको छ । पानी तान्ने मोटरमा जोडेको तार जोड्ने क्रममा करेन्ट लाग
बिर्तामोड / झापामा १९ वर्षीया किशोरीलाई बलात्कार गरेको आरोपमा प्रहरीले एक युवकलाई पक्राउ गरेको छ । पक्राउ पर्नेमा अर्जुनधारा नगरपालिका -७ स्थित ब्लक फ्याक्ट्रीमा काम गर्ने उदयपुर बेलका नगरपालिका -९ घर भएका ३२ वर्षीय मन्दिप पुरी रहेका छन् । पुरीले ति किशोरीलाई श्रीमान नभएको मौका पारी किशोरीकै कोठामा गई बिहीबार दिउँसो बलात्कार गरेको भन्ने खबर प्राप्त हुनासाथ इलाका प्रहरी कार्यालय अनारमनीबाट खटिएको प्रहरीले उनलाई शनिबार राति पक्राउ गरेको हो । पक्राउ परेका पुरीको सम्बन्धमा इलाका प्रहरी कार्यालय अनारमनीबाट थप अनुसन्धान भइरहेको प्रहरीले जनाएको छ ।
झापा / १३ वर्षीया बालिकालाई बलात्कारको आरोपमा प्रहरीले एकजनालाई पक्राउ गरेको छ । पक्राउ पर्नेमा दोलखाको सैलुङ गाउँपालिका -७ का १९ वर्षका अशोक भन्ने अनिष भुजेल रहेको प्रहरीले जनाएको छ । भुजेलले बालिकालाई आफू काम गर्ने भक्तपुर नगरपालिका -१ दुधपाटीको मम एण्ड पिज्जा हाउसमा बोलाई विभिन्न प्रलोभनमा पारी बलात्कार गरेको उजुरी प्रहरी समक्ष परेको थियो । त्यसपछि युवकलाई ललितपुर महानगरपालिका -९ भुलढोकाबाट पक्राउ गरी घटना सम्बन्धमा थप अनुसन्धान गरिरहेको जिल्ला प्रहरी परिसर भक्तपुरका प्रहरी नायब उपरीक्षक राजु पाण्डेले जानकारी दिए ।
झापा / अन्तर्राष्ट्रिय विमानस्थल निर्माणको लागि सरकारले गठन गरेको विज्ञ समूहले अध्ययन प्रतिवेदन प्रधानमन्त्री शेर बहादुर देउवालाई हस्तान्तरण गरेको छ । आज बिहान प्रधानमन्त्री निवास बालुवाटारमा पुगेर विज्ञ समूहले सर्वोच्च अदालतको आदेश अनुसार पूर्ण क्षमताको अन्तर्राष्ट्रिय विमानस्थल निर्माणको अध्ययन प्रतिवेदन प्रधानमन्त्री देउवालाई हस्तान्तरण गरेको हो ।सर्वोच्च अदालतको आदेश अनुसार पूर्ण क्षमताको अन्तर्राष्ट्रिय विमानस्थल निर्माणको अध्ययन गरी प्रतिवेदन पेश गर्न मन्त्रिपरिषद्को गत साउन २६ गतेको निर्णयानुसार विज्ञ समूह गठन भएको थियो ।नेपालको दूरगामी विकास तथा आर्थिक समृद्धिको लागि बढ्दो
काठमाडौं / ४ मङ्सिरमा हुने प्रतिनिधिसभा र प्रदेशसभाको निर्वाचन प्रक्रिया आइतबार आजबाट सुरु भएको छ । आज र भोलि राजनीतिक दलहरूले समानुपातिक निर्वाचन प्रणालीतर्फ उम्मेदवारको बन्दसूची पेस गर्नुपर्ने कार्यतालिका निर्वाचन आयोगले तय गरेको छ । दलहरू भने उम्मेदवार चयनको निर्णायक चरणमा प्रवेश गरेका छन् । दलहरूले प्रतिनिधिसभाका लागि बढीमा एक सय १० र प्रदेश सभाका लागि बढीमा दुई सय २० सहित तीन सय ३० उम्मेदवार चयन गर्नेछन् ।मिश्रित निर्वाचन प्रणालीअनुसार संघ र प्रदेशमा ६० प्रतिशत प्रत्यक्ष र ४० प्रतिशत समानुपातिक सांसद हुन्छन् । जसअनुसार दुई सय ७५ सदस्यीय प्रतिनिधिसभामा एक सय ६५ प्रत्यक्ष र
झापा / निलम्बित प्रधानन्यायाधीश चोलेन्द्रशमशेर जबरालाई सर्वोच्च अदालत प्रवेशमा रोक लगाउन सरकारले नेपाल प्रहरीलाई निर्देशन दिएको छ ।जबराले नियमित जिम्मेवारीमा फर्कने तयारी गरेपछि सरकारले प्रहरी प्रधान कार्यालयलाई आइतबार बिहान सर्वोच्च अदालतमा जबरालाई छिर्न नदिन निर्देशन दिएको हो । सरकारले निर्देशन दिएलगत्तै जबरालाई सर्वोच्च प्रवेशमा रोक लगाउन बिहानदेखि व्यापक रुपमा सुरक्षाकर्मी तैनाथ गरिएको छ । प्रहरी प्रधान कार्यालयले पनि जबराको सुरक्षामा खटिएका सुरक्षा अधिकारीलाई सर्वोच्च जाने स्थिति नरहेको भन्दै सोहीअनुसार सुरक्षा व्यवस्था मिलाउन निर्देशन दिएको छ । जबराविरुद्ध महाभियोग लगाउनुप
काठमाडौं / काठमाडौं महानगरपालिका वडा नम्बर -९ गैरीगाउँमा आइतबार बिहान एक युवा मृत अवस्थामा फेला परेका छन् । अन्दाजी ३० वर्षीय पुरूषको शव सडकमुनि फेला परेको जिल्ला प्रहरी परिसर काठमाडौंका प्रहरी उपरीक्षक दिनेशराज मैनालीले जानकारी दिए ।शव फेला परेपछि घटनास्थलमा काठमाडौं उपत्यका अपराध अनुसन्धान कार्यालय र प्रहरी वृत्त गौशालाको प्रहरीको टोली साथै केनाइन स्कुलबाट तालिम प्राप्त कुकुर परिचालन गरिएको छ । चोट लाग्दा टाउकोबाट रगत बगेको अवस्थामा शव फेला परेको हो । घटनाको अनुसन्धान भइरहेको प्रहरीले जनाएको छ ।
झापा / अछाममा पहिरोमा परी मृत्यु हुनेको संख्या १७ पुगेको छ । निमित्त प्रमुख जिल्ला अधिकारी दीपेश रिजालका अनुसार जिल्लाका विभिन्न पालिकामा पहिरोमा परी हालसम्म १७ जनाको मृत्यु भएको छ भने छ जना बेपत्ता छन् । उनका अनुसार घाइते ११ जनाको उद्धार गरी नेपाली सेनाको हेलिकप्टरमा उपचारका लागि सुर्खेत लगिएको छ । उपचारका लागि जिल्ला अस्पताल लगिएको छ ।हालसम्म तुर्माखाँद गाउँपालिका–५ मा चार, कमलबजार नगरपालिका–६ मा सात र वडा नं ८ मा पाँच जनाको शव भेटिएको छ । प्रशासन कार्यालयका अनुसार उक्त वडामा तीनजना पहिरामा परी बेपत्ता छन् । निमित्त प्रजिअ रिजालका अनुसार ढकारी गाउँपालिका–६ मा एकजनाको शव भेटिएको छ भने एक बेपत
झापा / अछाममा पहिरोमा परि मृत्यु हुनेको संख्या १२ पुगेको छ । जिल्लाको कमलबजार नगरपालिका-६ मा पहिरोले घर पुरिँदा बेपत्ता भएका ६ मध्ये ५ जनाको शव फेला परेको प्रहरीले जनाएको छ । यस्तै ढकारी गाउँपालिका र तुर्माखाँद गाउँपालिकामा २-२ जनाको शव फेला परेको सहायक प्रमुख जिल्ला अधिकारी दिपेश रिजालले जानकारी दिए ।रिजालका अनुसार यस्तै अन्य ३ जनाको शव जिल्लाका विभिन्न स्थानमा आएको पहिरोमा पुरिएको अवस्थामा फेला परेको हो । अहिले जिल्लाका विकट स्थानीय गाउँमा पहिरोबाट प्रभावितको उद्धारमा समस्या भइरहेको सहायक प्रजिअ रिजालले बताए।अछामको तुर्माखादका पहिरो प्रभावितलाई उद्धार गर्न समस्या भएको छ । हिड्ने बाटो स
Copyright © 2021 / 2026 / Esoul Media (P) Ltd. / All Rights Reserved.
