झापा / ललितपुरको महालक्ष्मी नगरपालिका -९ लामाटारमा मोटरसाइकल दुर्घटना हुँदा चालकको मृत्यु भएको छ । मृत्यु हुनेमा गोदावरी नगरपालिका -१३ झरुवारासी बस्ने १८ वर्षीय उत्सव नगरकोटी रहेका छन् ।प्रदेश ०३–०२–०१२ प ८३६८ नम्बरको मोटरसाइकल आफैं अनियन्त्रित भई सोमबार दुर्घटना हुँदा घाईते भएका उनको कृष्ट अस्पताल हुँदै बी एण्ड बी अस्पतालमा उपचारको क्रममा मृत्यु भएको हो । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
झापा / निर्वाचन आयोगले मंसिर ४ मा हुने संघीय तथा प्रदेश सभा सदस्य निर्वाचनको कार्यतालिका स्वीकृत गरेको छ । सोमबार बसेको बैठकले निर्वाचन कार्यतालिका स्वीकृत गरेको हो।जसअनुसार असोज ११ गते मुख्य निर्वाचन अधिकृत तथा निर्वाचन अधिकृतको नियुक्ति गरिनेछ भने असोज २१ गते मुख्य निर्वाचन अधिकृत तथा निर्वाचन अधिकृतको कार्यालय स्थापना र असोज २३ गते मनोनयन गर्दाको कार्यक्रम तय गरिएको छ । आयोगको कार्यतालिका अनुसार दसैँको पूर्णिमाको दिन उम्मेदवारी दर्ता हुने भएको छ ।प्रत्यक्षतर्फ १६५ प्रतिनिधि सभा तथा ३३० प्रदेश सभा सदस्य पदका लागि ७७ जिल्लामा मुख्य निर्वाचन अधिकृतको कार्यालय र ८८ स्थानमा निर्वाचन अधिकृत
बिर्तामोड / मोरङको सुन्दरहरैंचा नगरपालिका- ८ मा रोकिराखेको कन्टेनरभित्र पुरुषको शव फेला परेको छ । पूर्वपश्चिम लोकमार्ग अन्तर्गत सुन्दरहरैंचा नगरपालिका -८ सलकपुरमा कन्टेनरभित्र अन्दाजी ४५ / ५० वर्षीय पुरुषको शव फेला परेको हो ।चार दिनदेखि सडक किनारमा रोकेर राखेको ना ३ ख ४७४३ नम्बरको कन्टेनरको अगाडिको सिटमा शव भेटिएको प्रहरीले बताएको छ । मृतकको पहिचान नखुलेको जिल्ला प्रहरी कार्यालय मोरङका डीएसपी दीपक श्रेष्ठले बताए । चालकसँगैको अर्को सिटमा शव रहेको र कन्टेनरको ढोका भित्रबाट लक गरेको अवस्थामा फेला परेको प्रहरीले बताएको छ ।
झापा / सङ्खुवासभामा १९ वर्षीया किशोरीलाई जबरजस्ती करणी गरेको आरोपमा प्रहरीले एकजनालाई पक्राउ गरेको छ । पक्राउ पर्नेमा चैनपुर नगरपालिका -९ पिलुखोला बस्ने २१ वर्षीय दीपक शेर्पा रहेका छन् । मादी नगरपालिका- ६ पुलुङस्थित सामुदायिक जङ्गलमा दिपकले ती किशोरीलाई जबरजस्ती करणी गरेको भन्ने खबर प्राप्त हुनासाथ अस्थायी प्रहरी पोष्ट पिलुवाखोलाबाट खटिएको प्रहरीले उनलाई सोमबार पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
बिर्तामोड / मोरङको रतुवामाई नगरपालिका- ४ पैयामारी स्थितबाट प्रतिबन्धित लागूऔषध सहित २ जनालाई प्रहरीले पक्राउ गरेको छ । पक्राउ पर्नेमा मोरङ रतुवामाई नगरपालिका- ७ बस्ने १९ वर्षीय राहुल कुमार शर्मा र मोरङ उर्लाबारी नगरपालिका- ७ बस्ने २२ वर्षीय युगल लिम्बू रहेका छन् । सोमबार बेलुका ८ बजे प्रहरी चौकी झुर्कीयाबाट खटिएको प्रहरी टोलीले सोही स्थानमा दक्षिणबाट उत्तर तर्फ साइकलमा सवार रहेका उनीहरूलाई चेकजाँच गर्ने क्रममा निषेधित लागूऔषध नाईट्राभेट १६५ ट्याब्लेट र ट्रामाडोल २४५ पत्ता बरामद गरेको हो । साइकल सहित प्रहरी नियन्त्रणमा रहेका उनीहरूमाथि इलाका प्रहरी कार्यालय सिजुवाबाट थप अ
झापा / तनहुँको देवघाट गाउँपालिका- ५ क्युदीस्थित देवपुर दासढुङ्गा सडकखण्डमा बसको ठक्करबाट घाइते भएका बालकको मृत्यु भएको छ । मृत्यु हुनेमा ११ वर्षीय रमेश तामाङ रहेका छन् । गत साउन १७ गते बसको ठक्करबाट घाइते भएका तामाङको चितवन मेडिकल कलेज भरतपुरमा उपचारका क्रममा सोमबार मृत्यु भएको हो । ग १ क ३०३४ नं को बस चालकलाई पक्राउ गरि थप अनुसन्धान गरिरहेको प्रहरीले जनाएको छ ।
काठमाडौँ / परराष्ट्रमन्त्री नारायण खड्का मंगलबार चीन भ्रमणमा जाँदैछन् । मन्त्री खड्का ११ सदस्यीय टोलीको नेतृत्व गर्दै चीनको तीनदिने भ्रमणमा जान लागेका हुन् । परराष्ट्र मन्त्रालयका अनुसार मन्त्री खड्काको भ्रमण ‘दुई मुलुकबीच विश्वासको वातावरण बढाउन’ केन्द्रित रहनेछ । उनले चिनियाँ समकक्षी वाङ यीसँग बुधबार चीनको सान्तोङ प्रान्तको छिङ्ताओमा भेट्ने कार्यक्रम तय भएको छ ।चीनका परराष्ट्र मन्त्रीको निम्तोमा मन्त्री खड्का भ्रमणमा जान लागेका हुन् । एक वर्षअघि शेरबहादुर देउवा प्रधानमन्त्री बनेपछि पहिलो पटक नेपाल सरकारका उच्च कूटनीतिज्ञ चीन जान लागेका हुन् । मन्त्री खड्का बिहीबार स्वदेश फर्कि
झापा / धनगढीमा डेढ किलो चरेससहित एक सशस्त्र जवान पक्राउ परेका छन् । बझाङको दुर्गाथली गाउँपालिका वडा नम्बर ४ घर भएका गणेश प्रसाद जोशीलाई प्रहरीले पक्राउ गरेको हो । प्रहरीका अनुसार कैलालीको बन बेहडामा कार्यरत सशस्त्र जवान जोशीको साथबाट डेढ किलो चरेस बरामद गरिएको छ । धनगढीको सिटी होटेलबाट प्रदेश प्रहरी र जिल्ला प्रहरीको संयुक्त टोलीले उनलाई पक्राउ गरेको हो ।पक्राउ परेका जोशीलाई नियन्त्रणमा लिएर थप अनुसन्धान भइरहेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक वेदप्रकाश जोशीले बताए ।
बिर्तामोड / सुनसरीको रामधुनी -३ स्थित दतकिच खोलाको पानीमा डुबी १ जनाको मृत्यु भएको छ । मृत्यु हुनेमा स्थानीय ३२ वर्षीय मग्न साहु रहेका छन् । आज दिउँसो पौने १२ बजे साहु सोही खोलामा हात खुट्टा धुने क्रममा एक्कासि पानीमा डुबी बेहोस भएको भनी अस्थाई प्रहरी पोष्ट झुम्कामा खबर प्राप्त हुनासाथ तत्काल खटिएको प्रहरी टोलीले साहुको उपचारको लागि जिल्ला अस्पताल इनरुवा पठाएकोमा उपचारको क्रममा मृत्यु भएको हो । घटना सम्बन्धमा इलाका प्रहरी कार्यालय पकलीबाट थप अनुसन्धान भइरहेको प्रहरीले जनाएको छ ।
बिर्तामोड / १ नम्बर प्रदेश प्रहरी कार्यालय विराटनगरको अनुसन्धान समुह आर आइ टिबाट खटिएको प्रहरी टोलीले १ जना फरार प्रतिवादी पक्राउ गरेको छ । पक्राउ पर्नेमा धरान उप- महानगरपालिका- १७ डाडाँघोपा बस्ने २८ वर्षीय सोमान खत्री रहेका छन् । जिल्ला अदालत सुनसरीको फैसला आदेशले ९ महिना २३ दिन कैद र ५ हजार रुपैयाँ जरिवाना बेरुजु रहि असुल गर्न बाँकी रहेका खत्रीलाई खोजतलास गर्दै जाँदा गाउँघरमा नै लुकिछिपी बसेको अवस्थामा फेला पारी आइतबार पक्राउ गरी सम्मानित सुनसरी जिल्ला अदालतले कैद भुक्तानको लागी झुम्का कारागार सुनसरी पठाएको छ ।
Copyright © 2021 / 2026 / Esoul Media (P) Ltd. / All Rights Reserved.
