सप्तरी / सप्तरीमा बुधबार राति करेन्ट लागेर तीन जनाको मृत्यु भएको छ । मृत्यु हुनेमा कञ्चनरूप –६ का ४० वर्षीय सौदानन्द सरदार, २० वर्षीया अञ्जली सरदार र राजगढ गाउँपालिका –२ कमलपुरका ५६ वर्षीय शिवशङ्कर साह रहेका छन् । जसमध्ये सौदानन्द र अञ्जली भने ससुरा–बुहारी हुन् ।इलाका प्रहरी कार्यालय कञ्चनपुरका प्रहरी नायब उपरीक्षक रामकुमार यादवका अनुसार सात महिनाकी गर्भवती अञ्जली आँगनमा मोटर जडान गरिएको ट्युबेलमा पानी लिन जाँदा करेन्ट लागेर अचेत भएकी थिइन् । अचेत भएकी बुहारीलाई छुटाउन गएका सौदानन्दलाई समेत करेन्ट लागेको थियो । दुवै जनाको घटनास्थलमा नै मृत्यु भएको यादवले बताए ।यस्तै सप्तरीको राजगढ गा
काठमाडौँ / देशभर थप ९१५ जनामा कोरोना भाइरसको सङ्क्रमण पुष्टि भएको छ । ६ हजार २ जनाको परीक्षण गर्दा पीसीआर विधिबाट ५९० तथा एन्टिजेन विधिबाट ३२५ जनामा सङ्क्रमण पुष्टि भएको हो । यही अवधिमा थप ३०१ जना सङ्क्रमणमुक्त भएका छन् । यो सँगै देशभर सक्रिय सङ्क्रमितको सङ्ख्या ५ हजार ४३३ पुगेको छ । पछिल्लो २४ घण्टामा सङ्क्रमितको मृत्यु भने भएको छैन ।
झापा / महोत्तरीको गौशाला नगरपालिकामा आज डन्डी बोकेको ट्रकले ठक्कर दिँदा एक मोटरसाइकल चालकको मृत्यु भएको छ । इलाका प्रहरी कार्यालय गौशालाका प्रहरी निरीक्षक रञ्जन मिश्रका अनुसार गौशाला नपा–४ स्थित सुर्तिविकास चौकमा डण्डी बोकेको ना ४ ख ३३३९ नं को ट्रकले अनटेस्ट मोटरसाइकलमा सवार स्थानीय दिलीप सहनीलाई ठक्कर दिँदा उनको मृत्यु भएको हो । बर्दिबासतर्फबाट डन्डी बोकेर गौशालातिर आउँदै गरेको ट्रकले विपरीत दिशाबाट जाँदै गरेका दिलीपलाई सुर्तिविकास चोकको गोलम्बर नजिक ठक्कर दिँदा उनी गम्भीर घाइते भएका र उपचारका लागि प्रादेशिक अस्पताल जनकपुर लगिए पनि उनको उपचारकै क्रममा मृत्यु भएको प्रहरी निरीक्षक मिश्रले
बिर्तामोड / मोरङ विराटनगर महानगरपालिका १४ स्थित भित्री सडक खण्डबाट सिटी सफारीमा लोड गरि लैजाँदै गरेको अवस्थामा लागूऔषध गाँजा ६१ किलोग्राम फेला परेको छ । आज दिउसो ११ बजे इलाका प्रहरी कार्यालय रानीबाट खटिएको प्रहरी टोलीलाई देख्न साथ को २ ह ४६१० नम्बरको सिटी र बोरामा लोड गरेको ६१ किलोग्राम गाँजा छोडी सिटी चालक फरार भएका छन् । फरार रहेका सिटी चालकको खोजतलास भइरहेको इलाका प्रहरी कार्यालय रानीले जनाएको छ ।
काठमाडौँ / एमाले निकट विद्यार्थी संगठन अनेरास्ववियुले टेकुस्थित आयल निगमको कार्यालय अघि विरोध प्रदर्शन गरेको छ ।अन्तर्राष्ट्रिय बजारमा समायोजन हुँदा पनि नेपालमा मूल्य समायोजन नभएको भन्दै अनेरास्ववियुले विरोध प्रदर्शन गरेको हो । अन्तर्राष्ट्रिय बजारमा कच्चा तेलमा ३० डलर मूल्य घट्दा पनि आयल निगमले अहिलेसम्म मूल्य समायोजन गरेको छैन । इन्डियन आयल कर्पोरेसनले पेट्रोलमा एक महिनाभित्र प्रतिलिटर २८ रुपैयाँ घटेको सूची पठाइसकेको छ । तर, भारतमा मूल्य बढ्दा नेपालमा बढाउने आयल निगमले अहिलेसम्म मूल्य समायोजन नगरेपछि आमउपभोक्ता आन्दोलित बनेका हुन् ।
धनकुटा / धनकुटाको साँगुरीगढी गाँउपालिका –६ स्थित फेदीबाट प्रहरीले गाँजासहित दुई जनालाई पक्राउ गरेको छ । पक्राउ पर्नेमा शहिदभुमि गाउँपालिका –७ बस्ने २६ वर्षीय प्रदिप राई र सोही स्थानका अर्का एक जना बालक रहेका छन् ।गुठ्ठीटारबाट भेडेटार तर्फ जाँदै गरेको को ३९ प ६५६७ नम्बरको मोटरसाइकलमा सवार उनिहरुलाई मंगलबार दिउँसो १२ बजे प्रहरी चौकी मुलघाटबाट खटिएको प्रहरी टोलीले चेकजाँचको क्रममा पक्राउ गरेको हो । उनीहरूको साथबाट प्रहरीले पाँच किलो गाँजा बरामद गरेको छ ।
बिर्तामोड / झापाको गौरादह नगरपालिका –९ स्थित कमल खोलामा पौडी खेल्ने क्रममा मंगलबार बेपत्ता भएका युवक मृत फेला परेका छन् । जिल्ला प्रहरी कार्यालय झापाका प्रहरी नायब उपरीक्षक बसन्त पाठकका अनुसार कमल गाउँपालिका –१ का १८ वर्षीय उज्ज्वल खरेल आज (बुधबार) बिहान मृत फेला परेका हुन् । खरेल मंगलबार दिउँसो गौरादह नगरपालिका –९ स्थित बैगुन्धुरा सरङ्पाडा भएर बग्ने कमल खोलामा साथीहरूसँग पौडी खेल्न गएका थिए । पौडी खेल्ने क्रममा खरेल बेपत्ता भएका थिए । १ नम्बर प्रदेश विपद् व्यवस्थापन कार्यालय भद्रपुर, इलाका प्रहरी कार्यालय झिलझिले, सशस्त्र बेस क्याम्प बैगुनधुरा र अस्थायी प्रहरी चौकी बैगुन
काठमाडौं / पहिरोका कारण अवरुद्ध नारायणगढ–मुग्लिन सडकखण्ड ८ घण्टापछि सञ्चालनमा आएको छ । केराबारी मौरीखोलामा खसेको पहिरो पन्छाएर सडक दुईतर्फी सञ्चालनमा ल्याइएको हो । पहिरोका कारण गएराती २ बजेदेखि सवारी आवागमन पूर्ण रुपमा प्रभावित भएको थियो । पहिरोको जोखिम भने उत्तिकै रहेको जिल्ला प्रहरी कार्यालय चितवनले जनाएको छ ।
काभ्रे / प्रजातन्त्र सेनानी गोपालदास बादेको ९७ वर्षको उमेरमा निधन भएको छ । बुधबार बिहान ३ बजे उनको बनेपास्थित निवासमा नै निधन भएको हो । नेपाली कांग्रेसका पूर्व उपसभापति प्रकाशमान सिंहले शोकसन्तप्त परिवारजन प्रति हार्दिक श्रद्धाञ्जली व्यक्त गरेका छन ।भारतीय नेता महात्मा गान्धीसहित नेपाली कांग्रेसका संस्थापक विश्वेश्वर प्रसाद कोइराला, कृष्णप्रसाद भट्टराई लगायत नेताको सानिध्यमा बसेका बादेका २ छोरा र २ छोरी रहेका छन् ।बादेको निवास कोइराला र भट्टराईको आश्रयस्थलसमेत रहेको थियो ।
बिर्तामोड / लागूऔषध ब्राउन सगुर सहित एक जनालाई पक्राउ गरिएको छ । पक्राउ पर्नेमा झापा अर्जुनधारा नगरपालिका वडा नम्बर ११ बुट्टाबारी स्थित देवराज भारतीको घरमा डेरा गरी बस्ने २५ वर्षीया आइसा गिरी रहेकी छन् । मंगलबार बेलुका अस्थाई प्रहरी चौकी सालबारीबाट खटिएको प्रहरी टोलीले गिरीलाई लागूऔषध ब्राउन सुगर १ ग्राम सहित कोठैबाट पक्राउ गरेको हो । ब्राउन सुगर सहित पक्राउ परेकी गिरीको इलाका प्रहरी कार्यालय अनारमनीबाट थप अनुसन्धान भइरहेको प्रहरीले जनाएको छ ।
Copyright © 2021 / 2026 / Esoul Media (P) Ltd. / All Rights Reserved.
