जितपुर / सिमरा उपमहानगरपालिका - २१ को अमलेखगञ्ज सडकबाट ३० लाख बराबरको मोबाइल सहित प्रहरीले एकजनालाई पक्राउ गरेको छ । बारा कोल्वी नगरपालिका -४ बस्ने पदमबहादुर घिमिरेलाई सिमरा प्रहरीले पक्राउ गरेको हो ।प्रदेश २ - ०३०००१ च १४३ नम्बरको बोलेरोबाट भन्सार छलेर ल्याइएका विभिन्न कम्पनीका १५ सय २० थान मोबाइल बरामद गरेको इलाका प्रहरी कार्यालय सिमराले जानकारी दिएको छ। मोबाइल र गाडीको आवश्यक कागजपत्र नभएकाले घिमिरेलाई भन्सार कार्यालयमा बुझाउने तयारी भएको सिमराका प्रहरी नायब उपरीक्षक मनोजित कुँवरले जानकारी दिएका छन् ।
म्याग्दी / म्याग्दीको मालिका गाउँपालिका –६ रातोढुङ्गामा बाढीले घर बगाउँदा एक जनाको मृत्यु भएको छ भने एक जना बेपत्ता भएका छन् ।बुधबार बिहान मङ्गला गाउँपालिका –५ को खहरेखोलामा आएको बाढीले म्याग्दी खोलाको धार परिवर्तन गरेर कटान गर्दा खगेन्द्र रोकाको घर बगाएको हो । घरभित्र सुतिरहेका खगेन्द्रका छोरा बजिन र बुहारी बिनालाई बाढीले बगाएको मालिकाका वडाध्यक्ष सन्तोष सुवेदीले जानकारी दिए । बजिनको शव भेटिएको र बिना बेपत्ता भएको वडाध्यक्ष सुवेदीले बताए । खहरेखोलाको बाढी पसेर मङ्गला गाउँपालिकातर्फ पनि एउटा घरमा क्षति पुगेको छ । रातोढुङ्गाको बस्ती, निर्माणाधीन ३२/११ केभी क्षमताको सबस्टेशन र सयौ
बिर्तामोड / झापामा हरिणको छालासहित दुई जना पक्राउ परेका छन् । पक्राउ पर्नेमा कचनकवल गाउँपालिका -३ बस्ने ४० वर्षीय लुखिराम हस्दा र २४ वर्षीय सुमन टुडु रहेको जिल्ला प्रहरी कार्यालय झापाले जानकारी दिएको छ ।अभिमुक्तेश्वर सामुदायिक वन क्षेत्रबाट हरिणको सिकार गरी छाला तस्करी गरेको आरोपमा उनीहरुलाई प्रहरीले पक्राउ गरेको हो । उनीहरुसंग अन्य ६ जना संलग्न रहेको र खोजी कार्य भईरहेको जिल्ला प्रहरी कार्यालय झापाका प्रवक्ता राकेश थापाले जानकारी दिएका छन्। पक्राउ परेका उनीहरुलाई डिभिजन वन कार्यालय झापामा बुझाउने तयारी भइरहेको थापाले जानकारी दिएका छन् ।
ताप्लेजुङ / ताप्लेजुङमा भीरबाट लडेर एक जनाको मृत्यु भएको छ । मृत्यु हुनेमा मेरिङदेन गाउँपालिका –२ आजुङका खेम्जु शेर्पा रहेका छन् । शेर्पा सोमबार राती १० बजे छिमेकीको बिहेबाट घर फर्कने क्रममा खाम्दाके भीरबाट अन्दाजी २० मिटर तल खसेका थिए । भीरबाट खसी घाईते भएका उनको उपचारका लागि अस्पताल लैजाँदै गर्दा राती ११ बजे मृत्यु भएको इलाका प्रहरी कार्यालय दोभानले जनाएको छ ।
सुनसरी / सुनसरीको टेङ्ग्रा खेलामा डुबेर एक बालीका बेपत्ता भएकी छिन् । बेपत्ता हुनेमा भारतको बसमतिया घर भई हाल सितागंगा बस्ने ९ वर्षीया जिबीका यादव रहेकी छिन् । सुनसरीको बर्जु गाउँपालिका –५ टेङ्ग्रा खोला किनारमा बाख्रा चराउन गएकी यादवको हिजो बेलुका साढे ५ बजे खोलामा डुबी बेपत्ता भएकी हुन्। घटनाको जानकारी पाए लगतै इलाका प्रहरी कार्यालय सितागंजबाट प्रहरी टोली खटिई खोजतलास भइरहेको छ ।
उदयपुर / उदयपुरमा भीरबाट लडी एक बालकको मृत्यु भएको छ । मृत्यु हुनेमा रौतामाई नगरपालिका –४ बेल्बासेका १३ वर्षीय सबशाल सार्की रहेका छन् । उनको आइतबार अपरान्ह पौने ५ बजे घर नजिकै रहेको जंरगेडाँडा भीरमा बाख्रा चराउन गएका वेला सोही भीरबाट लडेर मृत्यु भएको जिल्ला प्रहरी कार्यालय उदयपुरले जनाएको छ ।
बर्दिया / पाटेबाघले आक्रमण गर्दा बर्दियामा एक जनाको मृत्यु भएको छ । मधुवन नगरपालिका वडा नम्बर ३ बस्ने ६७ वर्षीय चित्रबहादुर खत्रीको मृत्यु भएको डिभिजन वन कार्यालय बर्दियाका प्रमुख महेन्द्रराज वाग्लेले जानकारी दिएका छन् ।घरबाट दाउरा खोज्न गएका खत्री आइतबारदेखि बेपत्ता भएका थिए । उनको खोजी गर्ने क्रममा नेपाल-भारत सीमा क्षेत्रमा रहेको सम्झना सामुदायिक बनभित्र शव फेला परेको सशस्त्र सिमा सुरक्षा बल भग्रैयाका प्रहरी निरीक्षक अस्मित थापाले जानकारी दिएका छन्।बर्दिया राष्ट्रिय निकुञ्ज तथा मध्यवर्ती सामुदायिक वन र राष्ट्रिय वन तथा सामुदायिक वन क्षेत्रमा पाटेबाघको आक्रमणबाट एक वर्षभित
पाँचथर / पाँचथरको याङवरक गाउँपालिका –४ काबेली खोलामा पौडी खेल्न गएका २ बालक खोलाले बगाएर बेपत्ता भएका छन् । बेपत्ता हुनेमा सोही स्थानका १६ वर्षीय लक्ष्मण योङहाङ र १३ वर्षीय बिपल योङहाङ रहेका छन् । आइतबार दिउँसो साढे १२ बजे ६ जनाको समुहमा पौडी खेल्न गएका उनीहरू मध्ये लक्ष्मण र बिपल खोलाले बगाई बेपत्ता भएका हुन् । घटनाको जानकारी पाए लगतै जिल्ला प्रहरी कार्यालय पाँचथरबाट प्रहरी नायब उपरीक्षकको कमान्डमा उद्धार सामाग्री सहितको टोली खटि गई खोजतलास भइरहेको छ ।घटनाको सम्बन्धमा थप अनुसन्धान भइरहेको जिल्ला प्रहरी कार्यालय पाँचथरले जनाएको छ ।
काठमाडौँ / हिमाली नवीन समाजले हुम्लाका नौ जना बालबालिकाको उद्धार गरि परिवारलाई जिम्मा लगाएको छ । लामो समयदेखि बालबालिकाको क्षेत्रमा काम गर्दै आएको समाजले आइतबार प्रमुख जिल्ला अधिकारी र स्थानीय जनप्रतिनिधिको रोहबरमा राम्रो शिक्षा दिने प्रलोभनमा पारेर काठमाडौँ लगिएका खार्पुनाथ र आदानचुली गाउँपालिका बालबालिकालाई परिवारको जिम्मा लगाएको हो । आवासीय बालगृह सञ्चालन तथा व्यवस्थापनसम्बन्धी मापदण्ड, २०६९ विपरीत सञ्चालन रहेको हुँदा गत फागुन १९ गते काठमाडौँको तारकेश्वर नगरपालिका –६ मा रहेको धर्मस्थलीस्थित लाइट फर नेशनल बालगृहबाट उनीहरूलाई उद्धार गरिएको हो । राष्ट्रिय बाल अधिकार परिषद
काठमाण्डौँ / काठमाडौं उपत्यकाभित्र चल्ने सार्वजनिक तथा निजी सवारी साधनमा जोर–बिजोर प्रणाली हटाइएको छ। निषेधाज्ञा भने असार ३१ गतेसम्म जारी रहेको प्रमुख जिल्ला अधिकारीहरूले बताएका छन्।निषेधाज्ञामा सार्वजनिक यातायातमा सिट क्षमताभन्दा बढी यात्रु राख्न पाइने छैन भने मास्कलगायत स्वास्थ्यका मापदण्ड अनिवार्य रूपमा पालना गर्नुपर्नेछ। सफा टेम्पो र निलो माइक्रो पनि सञ्चालन गर्न पाइने भएको छ। यसअघि २५ सिट क्षमताभन्दा बढीका सवारी साधन मात्रै चलाउन दिइएको थियो।माइक्रोको तेस्रो सिटमा चार–चार जनाका दरले ८ जना र चालक छेउमा एक जना गरी ९ जना यात्रुभन्दा धेरै बोक्न पाइने छैन।सभा, सम्मेलन तथा कुनै प्रकारको भिडभाड
Copyright © 2021 / 2025 / Esoul Media (P) Ltd. / All Rights Reserved.
