काठमाडौं / काठमाडौंको कलङ्कीमा ढुंगा प्रहार गरि महिलाको हत्या गरेको आरोपमा एकजना पक्राउ परेका छन् । कलङ्कीमा फुटपाथमा तरकारी बेच्ने अन्दाजी ३७ वर्षीय मेनुका उप्रेतीमाथि शनिबार बिहान करिब ८ बजेतिर ढुंगा प्रहार भएको थियो ।
टाउकोमा ढुंगा प्रहार हुँदा घाइते भएकी उनलाई नेपाल नेशनल अस्पताल लगिएकोमा उपचारको क्रममा मृत्यु भएको प्रहरी वृत्त कालिमाटीका प्रहरी नायब उपरीक्षक अनिल घिमिरेले जानकारी दिए।
प्रहरीले हत्या आरोपमा एक जना पुरूषलाई पक्राउ गरेको छ । उनलाई प्रहरी वृत्त कालिमाटीले पक्राउ गरि थप अनुसन्धान भइरहेको प्रहरीले जनाएको छ ।
