बिर्तामोड / छात्रा माथि बलात्कारको प्रयास गरेको आरोपमा इटहरी स्थित सेक्रेड हार्ट इङ्लिस स्कुलका बसका चालक पक्राउ परेका छन् ।
पक्राउ पर्नेमा इटहरी -५ निवासी वर्ष ३६ का लाल बहादुर गुरुङ रहेको प्रहरीले जनाएको छ । कक्षा ७ मा अध्ययनरत १२ वर्षीय छात्रामाथि बलात्कारको प्रयास गरेको पारिवारिक स्रोतले जानकारी दिएको छ । उजुरीका आधारमा चालक गुरुङलाई प्रहरीले पक्राउ गरी अनुसन्धान गरिरहेको प्रहरी निरीक्षक भीम खड्काले जानकारी दिए ।
खड्काका अनुसार गुरुङलाई बाल यौन दुरुपयोग अन्तर्गत मुद्दामा जिल्ला अदालत सुनसरीबाट म्याद थप गरी अनुसन्धान भइरहेको छ । बाल यौन दुरुपयोग मुद्दामा दोषी ठहर भए ३ वर्ष कैद, ३० हजार जरिवाना वा दुवै सजाय हुन सक्ने छ ।
