बिर्तामोड / पाँचथरमा भएको सवारी दुर्घटनामा परि झापा हल्दीबारीका एक जनाको मृत्यु भएको छ । मृत्यु हुनेमा झापा हल्दीबारी गाउँपालिका साबिक जलथल गाविस ५ निवासी ४५ वर्षीय प्रकाश बुढाथोकी रहेको प्रहरीले जनाएको छ ।
आइतबार अपराह्न ४ः बजे झापाको बिर्तामोडदेखि पाँचथरको फिदिम जादैँ गरेको मे १ ज २७८४ नम्बरको कार अनियन्त्रित भई सडकबाट सात सय मिटर तल खसेको थियो ।
मेची राजमार्गको इलाम फिदिम सडक खण्डअन्तर्गत पाँचथरको फाल्गुनन्द -३ पाङग्रेभीरमा भएको कार दुर्घटनामा परि अन्य एक जनाको गम्भीर घाइते भएका छन् । घाइते हुनेमा कारमा सवार पाँचथर फालेलुङ २ का ३६ वर्षीय भीष्म केरुङ रहेका छन् ।
