बिर्तामोड / विराटनगर महानगरपालिका- ६ मा सरोचियास्थित नालीमा मङ्गलबार राति एक युवकको शव फेला परेको छ । मोरङ प्रहरीका प्रवक्ता डीएसपी दीपक श्रेष्ठका अनुसार सडक किनारको नालीमा राति ११:२५ बजे विराटनगर ५ का ३० वर्षीय सन्तोष मण्डलको शव फेला परेको हो ।
घटनास्थल नजिक एउटा साइकल पनि लडेको अवस्थामा फेला परेको उनले बताए । रातको समयमा साइकलमा यात्रा गर्ने क्रममा नालीमा लडेपछि उठ्न नसकेर मण्डलको मृत्यु भएको हुनसक्ने प्रहरीले बताएको छ । शव पोस्टमार्टमका लागि कोसी अस्पताल लगेर घटनाका बारेमा अनुसन्धान गरिरहेको प्रहरीले जनाएको छ ।
