काठमाण्डौ । गृह मन्त्रालयले सशस्त्र प्रहरी बलका ६ जना सशस्त्र प्रहरी वरिष्ठ उपरीक्षक (एसएसपी) हरुलाई सशस्त्र प्रहरी नायब महानिरीक्षक (डीआईजी) पदमा बढुवाका लागि सिफारिस गरेको छ। मन्त्रालयको बढुवा समितिको सचिवालयले शुक्रबार रिक्त ६ पदमा बढुवाका लागि नामावली सार्वजनिक गरेको हो।
सशस्त्र प्रहरी नियमावली, २०७२ को नियम ३९ को उपनियम (१) को (ख) बमोजिम ज्येष्ठताका आधारमा वरिष्ठ उपरीक्षकहरूलाई डीआईजी पदमा बढुवा गर्न सिफारिस गरिएको हो। जसमा दिग विजय सुवेदी, किरण बस्नेत, माधव प्रसाद पौडेल, प्रविण कडेल, राजेश उप्रेती र नेत्र बहादुर कार्कीलाई बढुवाका लागि छनोट भएका छन् । सिफारिस सशस्त्र प्रहरी नियमावलीको नियम ३८ को उपनियम (३) बमोजिम सबैको जानकारीका लागि प्रकाशित गरिएको हो।
उक्त बढुवा सिफारिसप्रति चित्त नबुझ्ने सशस्त्र प्रहरी वरिष्ठ उपरीक्षकहरूले नियमावलीको नियम ५५ मा भएको व्यवस्था अनुसार ७ (सात) दिनभित्र बढुवा उपरको उजुरी सुन्ने समिति समक्ष आफ्नो उजुरी दिन सक्ने समेत सूचनामा उल्लेख गरिएको छ।
