काठमाडौँ / प्रधानमन्त्री शेरबहादुर देउवालाई भेट्न प्रमुख प्रतिपक्षी नेकपा (एमाले) का अध्यक्ष केपी शर्मा ओली र नेकपा (माओवादी केन्द्र) का अध्यक्ष पुष्पकमल दाहाल बालुवाटार पुगेका छन् । ओली र प्रचण्ड बालुवाटार पुगेसँगै तीन नेताबीच छलफल सुरु भएको छ । भेटमा स्थानीय तहको निर्वाचन, अमेरिकी सहयोगसम्बन्धी सम्झौता मिलेनियम च्यालेन्ज कम्प्याक्ट (एमसीसी) लगायतका बारेमा छलफल हुने बताइएको छ । छलफलमा देउवा, ओली र दाहालसँगै सञ्चारमन्त्री ज्ञानेन्द्रबहादुर कार्की र एमाले महासचिव शंकर पोखरेल पनि सहभागी भएका छन् ।
काठमाडौँ / नेकपा एमालेको भातृ संगठन राष्ट्रिय युवासङ्घका तीन जना कार्यकर्तालाई प्रहरीले पक्राउ गरेको छ । स्थानीय तह निर्वाचनको मिति घोषणामा ढिलाई भएको भन्दै कालो झण्डा र बेलुन उडाएर प्रदर्शन गरेपछि उनीहरूलाइ सिंहदरबार नजिकैबाट प्रहरीले पक्राउ गरेको हो । पक्राउ पर्नेमा जय लामा, गणेश थापा, अजित लामा रहेका छन् । युवासङ्घले पक्राउ परेका कार्यकर्तालाई तत्काल रिहाइको माग गरेको छ ।यस्तै युवा संघले पेट्रोलियम पदार्थमा भएको मूल्य वृद्धिको समेत विरोध गरेको छ ।
विराटनगर / प्रदेश १ का मुख्यमन्त्री राजेन्द्र राईले आज (आइतबार) मन्त्रिपरिषद् विस्तार गरेका छन् । मुख्यमन्त्री राईले आठ जना मन्त्री नियुक्त गरेसँगै प्रदेश १ मा मन्त्रिपरिषद् सदस्यको सङ्ख्या १४ पुगेको छ । आजै नवनियुक्त मन्त्रीहरूले पद तथा गोपनियताको शपथ समेत लिएका छन् । प्रदेश प्रमुख पर्शुराम खापुङले ८ जना मन्त्रीलाई शपथ ग्रहण गराएका हुन् ।मुख्यमन्त्री कार्यालयका अनुसार आज मन्त्री बन्नेमा रामकुमार राई, राजन राई, खिनु लिम्बु, झलकबहादुर मगर, शेखरचन्द्र थापा, ओम प्रकाश सरावागी, प्रताप प्रकाश हाङगाम र उपेन्द्रप्रसाद घिमिरे रहेका छन् । गत कात्तिक १६ मा गठित मौजुदा मन्त्रिपरिषद्मा नेपालको स
काठमाडौँ / प्रमुख प्रतिपक्षी नेकपा एमालेका अध्यक्ष केपी शर्मा ओलीले प्रधानमन्त्री शेरबहादुर देउवालाई भेट्न भएका छन् । अध्यक्ष ओली प्रधानमन्त्री देउवालाई भेट्न आइतबार अपरान्ह ४ बजे बालुवाटार जाने भएका हुन् । ओली झण्डै सात महिनापछि बालुवाटार जान लागेका हुन् । स्रोतका अनुसार देउवा र ओलीबीचको भेटमा स्थानीय तह चुनाव र एमसिसीलगायत समसामयिक राजनीतिक विषयमा छलफल हुनेछ । शनिबार राष्ट्रपति विद्यादेवी भण्डारीलाई भेटेका ओलीले आज देउवासँग भेटवार्ता गर्न लागेका हुन् । आजको भेटमा नेकपा (माओवादी) केन्द्रका अध्यक्ष पुष्पकमल दाहाल ‘प्रचण्ड’ पनि सहभागी हुने बताइएको छ । साथै ओलीसँग एमाले महासचिव श
काठमाडौं / मधेस प्रदेश सरकारको उद्योग वन पर्यटन तथा वातावरण राज्यमन्त्रीमा नागेन्द्र राय यादव नियुक्त भएका छन् । प्रदेश प्रमुख हरिशंकर मिश्रको उपस्थितिमा मुख्यमन्त्री लालबाबु राउतले नेकपा एकीकृत समाजवादीका यादवलाई आइतबार बिहान पद तथा गोपनीयताको शपथग्रहण गराएका हुन् । यसअघि गत मंसिर ५ गते नेकपा एकीकृत समाजवादीबाट उद्योग वन पर्यटन तथा वातावरण मन्त्रीमा शत्रुधन महतो र प्रदेश मामिला तथा कानुन मन्त्रीमा प्रमोद यादव नियुक्त भएका थिए । राज्यमन्त्री बनेका यादव बारा जिल्लाबाट निर्वाचित प्रदेश सभा सदस्य हो।
विराटनगर / प्रदेश १ मा मन्त्रालय फुटाएर मन्त्रिपरिषद् विस्तार गरेको विरोधमा एमाले कार्यकर्ताहरूले प्रदर्शन गरेका छन् । एमालेको भ्रातृ संगठन युवा संघ नेपाल र अनेरास्ववियुका कार्यकर्ताहरू मन्त्रालय विस्तार विरुद्ध प्रदर्शन गरेका हुन् । मुख्यमन्त्री राजेन्द्र राईले आजै मन्त्रालय फोडेर मन्त्रिपरिषद् विस्तार गरिरहेका छन् ।केहीबेरमा शपथको तयारी भइरहेको छ । तर मन्त्रालय फोड्न नहुने भन्दै एमाले कार्यकर्ताहरू विरोध प्रदर्शनमा उत्रेका हुन् । उनीहरूले प्रदेश प्रमुखको कार्यालय अगाडि भेला भएर सरकारविरुद्ध नाराबाजी गरिरहेका छन् ।
बिर्तामोड / प्रदेश १ मा आज मन्त्रिपरिषद विस्तार हुने भएको छ । मुख्यमन्त्री राजेन्द्रकुमार राईले आज(आइतबार) मन्त्रिपरिषदलाई पूर्णता दिनेगरी मन्त्रीहरु नियुक्त गर्ने बताइएको हो ।मुख्यमन्त्री कार्यालयका अनुसार आज नयाँ मन्त्रीहरुको नियुक्ति हुनेछ । नवनियुक्त मन्त्रिहरुको सपथसमेत आजै हुने तयारी भइरहेको छ । पाँच दलीय गठबन्धनको सरकारमा मन्त्रालय फुटाएरै भागबन्डा मिलान गर्ने सहमति भएअनुसा मन्त्रीहरुको व्यवस्थपान गर्न लागिएको हो ।गएको आइतवार बसेको मन्त्रिपरिषद् बैठकले सातबाट मन्त्रालयको संख्या बढाएर १२ बनाउने निर्णय गरेको थियो । आज मन्त्री बन्नेहरुमा काँग्रेसबाट प्रदेश सांसद प्रकाशप्रताप हाङ्गाम
काठमाडौँ / गृहमन्त्री बालकृष्ण खाँणले तराईमा हावाहुरीका कारण मृत्यु भएका तीन जनाका परिवार र उच्च पहाडी तथा हिमाली जिल्लामा हिमपातका कारण प्रभावित नागरिकको उचित व्यवस्थापन एबं राहत उपलब्ध गराउन निर्देशन दिएका छन्।गृहमन्त्री खाँणले मन्त्रालयका विपद् तथा द्वन्द्व व्यवस्थापन महाशाखाका प्रमुख सहसचिव प्रदीपकुमार कोइराला तथा तराइका दुई, हिमाली क्षेत्रका आठ जिल्लाका प्रमुख जिल्ला अधिकारी र एक सहायक प्रमुख जिल्ला अधिकारीलाई हिमपात तथा हावाहुरीका कारण समस्यामा परेकालाई तत्काल राहत उपलब्ध गराउन निर्देशन दिएका हुन् ।शुक्रबार दिउँसो धनुषाको सवैला नगरपालिका १२ मा रुखकोे हाँगा भाँचिदा महेन्द्र सदाकी ८ वर्षीय
काठमाडौं / प्रधानमन्त्री शेरबहादुर देउवाको प्रेस सल्लाहकारमा गोविन्द परियार नियुक्त भएका छन् । देउवा प्रधानमन्त्रीमा नियुक्त भएदेखि नै प्रेस हेर्दै आएका उनलाई सोमबार बसेको मन्त्रिपरिषद्ले प्रेस सल्लाहकारमा नियुक्त गर्ने निर्णय गरेको हो ।सोमबार निर्णय भए पनि उनलाई शुक्रबार मात्रै नियुक्ति पत्र थमाइएको छ । असार २९ गते प्रधानमन्त्री बनेका देउवाले ७ महिनासम्म निजी सचिवालयलाई पूर्णता दिन सकेका छैनन् । देउवाले यसअघि आफ्नो स्वकीय सचिवमा भानु देउवा, भाषण विज्ञमा किरण गजुरेल नियुक्त गरिसकेका छन् ।यसअघि देउवा प्रधानमन्त्री हुँदा पनि परियार प्रेस संयोजक रहेका थिए। त्यसअघि उनले अन्नपूर्ण पोस्ट्, नाग
Copyright © 2021 / 2026 / Esoul Media (P) Ltd. / All Rights Reserved.
