झापा / दाङको घोराहीका तीन फर्निचर उद्योगमा आगलागी हुँदा करोडौँको क्षति भएको छ । घोराही -१५ उमेश मार्ग रोडमा रहेको न्यू दाजुभाई, दाजुभाई र स्टार दाजुभाई तीनवटा फर्निचर उद्योगमा आगलागी भएको प्रहरीले जानकारी दिएको छ ।आगलागीबाट करोडौँ रुपैयाँको क्षति भएको जिल्ला प्रहरी कार्यालय दाङका प्रहरी उपरीक्षक वीरबहादुर ओलीले जानकारी दिए । राति करिब १२ बजेतिर लागेको आगो बिहान करिब साढे ४ बजे नियन्त्रणमा आएको छ ।नेपाल प्रहरी, सशस्त्र प्रहरीले घोराही उपमहानगरपालिका, तुलसीपुर उपमहानगरपालिका र लमही नगरपालिकाको दमकल सहयोगमा आगो नियन्त्रणमा लिएको हो । लक्ष्मीपूजामा बालिएको दियोका कारण आगलागी भएको हुन सक्ने आशंका ग
झापा / दीपावलीका लागि झिलिमिली बत्ती जोड्ने क्रममा करेन्ट लागेर धनुषामा सोमबार दुई जनाको मृत्यु भएको छ । मृत्यु हुनेमा जनकपुरधाम उपमहानगरपालिका -२२ बसबिट्टीका १९ वर्षीय अमित मिश्र र जनकपुरधाम उपमहानगरपालिका -९ निवासी १४ वर्षीय शिवराज यादव रहेको प्रहरीले जनाएको छ ।दुबै जना आफ्नै घरमा दीपावलीका लागि झिलिमिली बत्ती जोड्ने क्रममा करेन्ट लागेर घाइते थिए। गम्भीर घाइते मिश्र र यादवको जनकपुरधामस्थित प्रादेशिक अस्पतालमा उपचारको क्रममा मृत्यु भएको जिल्ला प्रहरी कार्यालय धनुषामा (प्रवक्ता) प्रहरी नायब उपरीक्षक प्रदीपबहादुर क्षेत्रीले जानकारी दिए ।
काठमाडौँ / हाल देशमा पश्चिमी वायुको सामान्य प्रभाव रहेको छ । मौसम पूर्वानुमान महाशाखाका अनुसार हाल देशका पहाडी भू-भागहरुमा आंशिक बदली रही बाँकी भू-भागहरुमा मौसम सामान्यता सफा रहेको छ ।आज दिउँसो प्रदेश १ मा आंशिकदेखि सामान्य बदली तथा बागमती र गण्डकी प्रदेशका पहाडी भू- भागहरुमा आंशिक बदली रही बाँकी प्रदेशहरूमा मौसम सामान्यतया सफा रहनेछ । प्रदेश १, बागमती प्रदेश र गण्डकी प्रदेशका पहाडी भू- भागका एकदुई स्थानमा हल्का वर्षाको सम्भावना रहेको छ । त्यस्तै राती प्रदेश १ र बागमती प्रदेशमा आंशिकदेखि सामान्य बदली तथा गण्डकी प्रदेश र लुम्बिनी प्रदेशका पहाडी भू- भागहरुमा आंशिक बदली रही बाँकी प्रद
बिर्तामोड / झापाको हल्दीबारीमा मोटरसाइकल दुर्घटनामा परी एक जनाको मृत्यु भएको छ । मृत्यु हुनेमा हल्दीबारी गाउँपालिका -२ निवासी २१ वर्षीय सुकलाल राजवंशी रहेका छन् । प्रहरीका अनुसार हल्दीबारी पाराखोपी सडक खण्ड अन्तरगत हल्दीबारी -२ स्थित रामलाल चोक नजिकै आइतबार साँझ ६: १५ मिनेटमा मे ५ प २१६१ नम्बरको मोटरसाइकलले मे ६ प ४१०३ नम्बरको मोटरसाइकललाई पछाडिमा ठक्कर दिएको थियो । दुवै मोटरसाइकल पाराखोपीदेखि हल्दीबारी बजारतर्फ गइरहेका थिए । तीव्र गतिमा रहेको मे ५ प २१६१ नम्बरको मोटरसाइकलको पछाडि सवार राजवंशीको घटनास्थलमै मृत्यु भएको प्रहरीले जनाएको छ । घटन सम्बन्धमा हल्दीबारी प्रहरी चौकीले दुवै मोटरसाइक
बिर्तामोड / १ नम्बर प्रदेश प्रहरी श्रीमती संघले श्रीमती कल्पना गिरीको अध्यक्षतामा ९ सदस्य कार्य समिति पदाधिकारीको गठन गरेको छ । प्रदेश प्रहरी कार्यालय विराटनगरमा आज भएको संघको भेलाले ९ सदस्य पदाधिकारीहरू सर्वसम्मत चयन गरेको हो । सेवा नै धर्म होुु भन्ने भावनाले अभिप्रेरित नेपाल प्रहरीमा कार्यरत राष्ट्र सेवकहरुका परिवारहरूलाई सामाजिक सेवाको लागि अभिप्रेरित गरी राष्ट्रसेवाको पुनीत कार्यको लागि सङ्गठित गर्न, राष्ट्रमा समय–समयमा आइपर्ने विभिन्न प्रकारका दैवि प्रकोपहरू लगायत मानवीय सेवाका विविध क्षेत्र जस्तो शिक्षा, स्वास्थ्य, खेलकुद र आर्थिक क्षेत्रहरूको सुधार, विकास र उन्नतिको लागि आफुहरुमा अ
बिर्तामोड / जिल्ला प्रहरी कार्यालय ताप्लेजुङमा कार्यरत प्रहरी बरिष्ठ हवल्दार रबिन्द्र लोक्ताम र प्रहरी चौकी पेल्टीमारी इलाममा कार्यरत प्रहरी सहायक हवल्दार राज कुमार श्रेष्ठ असोज महिनाको सर्वोत्कृष्ट प्रहरी प्रहरी घोषित भएका छन् ।विभागीय मुल्य-मान्यता, आदेशनिर्देशको पालना गरी व्यवसायिक, लगनशील र कर्तव्यनिष्ठ तवरले कर्तव्यपथमा तल्लीन रही उच्च मनोबल र साहसका साथ आफ्नो कर्तव्य निर्वाह गरी अपराध अनुसन्धानको क्षेत्रमा विशेष योगदान पुर्याउनुका साथै ताप्लेजुङ र इलाम जिल्लामा कर्तव्य ज्यान जस्तो जघन्य अपराधको घटना घटाई वारदात पश्चात फरार रहेका प्रतिवादीलाई वारदातमा प्रयोग भएका धारिलो हतियार सहित
बिर्तामोड / तिहार तथा छठ पर्वलाई लक्षित गरी तस्करीको माध्यमबाट भित्राइएको १५ लाख बढी मूल्यको बारुदजन्य पटाका झापा प्रहरीले नष्ट गरेको छ । अवैध रूपमा सीमावर्ती नाकाबाट भित्राइएको प्रतिबन्धित पटाका झापा प्रहरीले आज पत्रकार सम्मेलन गरी नष्ट गरेको हो ।जिल्लाका विभिन्न स्थानबाट अवैध रूपमा ओसारपसार भइरहेकोमा अवस्थामा प्रहरीले विभिन्न प्रकारका पटाका बरामद गरेको प्रहरी कार्यालय झापाका एसपी विश्वमणि पोखरेलले जानकारी दिए । पटाकाको आयात र प्रयोगमा केही नियन्त्रण गरिए पनि पूर्ण रूपमा निर्मूल पार्न नसकिएको उनले बताए । त्यसमा सबैको सहयोग आवश्यक भएको उनको भनाइ छ ।
बिर्तामोड / झापामा १६ वर्षीया किशोरीलाई बलात्कार गरेको आरोपमा प्रहरीले एकजनालाई पक्राउ गरेको छ । पक्राउ पर्नेमा मेचीनगर नगरपालिका- ७ घर भएका सोही ठाउँ स्थित टि गार्डेनको गार्डको रुपमा काम गर्ने ५४ वर्षीय नन्द प्रसाद पौडेल रहेका छन् । पौडेलले ती किशोरीलाई गार्ड सुत्ने कोठामा लागेर बलात्कार गरेको भन्ने खबर प्राप्त हुनासाथ इलाका प्रहरी कार्यालय काँकरभिट्टाबाट खटिएको प्रहरीले उनलाई शनिबार पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
बिर्तामोड / जिल्ला प्रशासन कार्यालय झापाले देउसी भैलो खेल्ने समय निर्धारण गरेको छ । रातीको १० बजे सम्म मात्र देउसी भैलो खेल्न पाइने झापाका प्रमुख जिल्ला अधिकारी छविलाल रिजालले जानकारी दिएका छन् । प्रमुख जिल्ला अधिकारी रिजालले राती १० बजे पछि देउसी भैलो कार्यक्रम नगर्न आग्रह गरेका छन् । देउसीभैलो खेल्ने बाहनामा राति आपराधिक गतिविधि पनि हुन सक्ने भन्दै प्रशासनले समय निर्धारण गरेको हो । देउसीभैलो कार्यक्रम गर्दा सार्वजनिक यातायात र जनजीवनलाई असर पर्ने कुनै पनि गतिविधि नगर्न, नगराउन पनि प्रशासनले अपिल गरेको छ ।
झापा / पूर्वी नवलपरासीको मध्यबिन्दु नगरपालिका -११ मा शनिबार राति बस दुर्घटना हुदाँ २३ जना घाइते भएका छन् । पूर्वपश्चिम राजमार्गमा काठमाडौंबाट धनगढीतर्फ जाँदै गरेको ना ७ ख ४१५ नं को बस ‘ब्रेकफेल’ भई सडकको दाहिनेतर्फ पल्टिँदा बसमा सवार ५० मध्ये २३ जना घाइते भएका जिल्ला प्रहरी कार्यालय पूर्वी नवलपरासीका सूचना अधिकारी प्रहरी उपरीक्षक सन्तोष पाठकले बताए ।घाइतेलाई उपचारका लागि मध्यबिन्दु जिल्ला अस्पताल लगिएका र ती मध्ये १८ जना सामान्य उपचारपछि डिस्चार्ज भएका जनाइएको छ । बाँकीलाई थप उपचारका लागि पुरानो मेडिकल कलेज भरतपुर सिफारिस गरिएको र बस चालक प्रहरी नियन्त्रणमा रहेको प्रहरी उपरीक्षक पाठकले बताए ।
Copyright © 2021 / 2026 / Esoul Media (P) Ltd. / All Rights Reserved.
