सर्लाही— इलाका प्रहरी कार्यालय लालबन्दीले २७ किलो लागूऔषध गाँजासहित एक युवकलाई पक्राउ गरेको छ । लालबन्दी नगरपालिका–१४ कामिटार २० वर्षीय सन्ते ब्लोनलाई गाँजासहित प्रहरीले पक्राउ गरेको हो । बाग्मती प्रदेश–०२–०४२ प ४०५३ नम्बरको मोटरसाइकलमा सवार दुई जनाको खानतलासीका क्रममा उक्त गाँजा बरामद भएको प्रहरी नरिीक्षक बिरेन्द्र जोहारीले जानकारी दिए । ब्लोन गाँजाका पाँच पोका राखिएका दुई वटा झोलासहित पक्राउ परे पनि उनीसँगै रहेका एक युवक भने फरार भएका बताइएको छ । प्रहरी निरीक्षक जोहारीले मोटरसाइकलसहित पक्राउ परेका ब्लोनमाथि अनुसन्धान अगाडि बढाइएको बताएका छन् ।
काठमाडौं— नेपाल धितोपत्र बोर्डमा जागिर खुलेको छ । बोर्डले शुक्रबार सूचना जारी गर्दै कर्मचारी माग गरेको हो । बोर्डले ५ जना कर्मचारी माग गरेको छ । जसमा बोर्डले सहायक निर्देशक ३ जना र वरिष्ठ सहायक २ जना कर्मचारी मागेको छ । जागिर गर्ने चाहनेले शुक्रबार (भदौ १३ गते) देखि असोज २ गतेसम्म र दोब्बर दस्तुर तिरेर असोज ९ गतेसम्म आवेदन दिन मिल्ने छ । परीक्षा लिखित र अन्तर्वार्ता हुनेछ छ । परीक्षा लोक सेवा आयोगले सञ्चालन गर्ने सूचनामा उल्लेख छ ।
काठमाडौं— नेपाली बजारमा सुनको मूल्य तोलाकै २ लाख पुगेको छ । बिहीबारको तुलनामा आज सुनको मूल्य बढेर २ लाख नाघेको हो । यो मूल्य हालसम्मकै उच्च हो । सुनको मुल्य तोलामा १२ सयले बढेको छ भने चाँदी ५ ले बढेको छ ।नेपाल सुनचाँदी व्यवसायी महासङ्घका अनुसार आज एक तोला सुनको मूल्य २ लाख ६ सय निर्धारण भएको छ । चाँदी दुई हजार ३६० मा खरिदबिक्री भइरहेको छ ।हिजो एक तोला सुन एक लाख ९९ हजार ४००मा किनबेच भएको थियो भने चाँदी रु दुई हजार ३५० मा कारोबार भएको थियो ।
दार्चुला— दार्चुलामा घाँस काट्न गएकी महिलाको भीरबाट लडेर मृत्यु भएको छ । नौगाड गाउँपालिका–६ खालिडाडामा एक महिलाको भीरबाट लडेर मृत्यु भएको हो।५० वर्षीया ऐति धामी घाँस काटेर घर फर्कने क्रममा घरनजिकैको जंगलमा सन्तुलन गुमाएर भीरबाट लडेकी हुन्। उनको घटनास्थलमै मृत्यु भएको जिल्ला प्रहरी कार्यालय दार्चुलाले जनाएको छ ।जिल्ला प्रहरी कार्यालयका सूचना अधिकारी छत्र रावलले घटनाबारे थप अनुसन्धान गरिरहेको जनाएको छ।
काठमाडौं— राष्ट्रिय अनुसन्धान विभागले ठूलो सङ्ख्यामा कर्मचारी माग गरेको छ ।विभागले ४० जना अनुसन्धान अधिकृत र ५० जना अनुसन्धान सहायक गरी कुल ९० जना माग गरेको हो । विभागले शुक्रबार (भदौ १३ गते) देखि असोज १२ गतेसम्म र दोब्बर दस्तुर तिरेर असोज १९ गतेसम्म आवेदनका लागि समय दिएको छ ।
अछाम— अछामको पञ्चदेवल विनायक नगरपालिका–८ स्थित छाउगोठमा सुतिरहेका दुई जनाको भीरबाट खसेको ढुङ्गाले किचेर मृत्यु भएको छ। एक जना घाइते भएकी छन्।३५ वर्षीया निम खनाल र मङ्गलसेन नगरपालिका–६ की सात वर्षीया कविता भण्डारीको घटनास्थलमै मृत्यु भएको जिल्ला प्रहरी कार्यालय अछामले जनाएको छ । उनीहरू छाउपडी प्रथाका कारण गोठमा सुतिरहेका बेला अचानक ढुङ्गा खसेको जनाइएको छ।कविताकी आमा भने घाइते भएकी छन्। उनलाई तत्कालै नजिकको स्वास्थ्यचौकीमा उपचारका लागि पठाइएको प्रहरीले जनाएको छ।घटनाको जानकारीपछि प्रहरी निरीक्षक टेकबहादुर देउवाको नेतृत्वमा प्रहरी टोली घटनास्थलतर्फ प्रस्थान गरेको जिल्ला प्रहरी प्रमुख ओमप्रकाश खनाल
बर्दिया— स्वास्थ्य बिमा गरेका बाँसगढी नगरपालिकाका बासिन्दालाई स्थानीय स्तरमै सेवा नपाउँदा उपचारका लागि बाँकेको अस्पताल धाउनु पर्ने बाध्यता कायम रहेको छ। नगरपालिकाका स्वास्थ्य संस्थामा बिमा कार्यक्रम लागु नभएकाले बिरामीहरूले सहज सेवा पाउन सकेका छैनन्।बाँसगढी नगरपालिकामा दक्ष चिकित्सक र सुविधासम्पन्न अस्पतालको अभाव छ। यही कारणले स्थानीयहरू सामान्य चेकजाँचदेखि विशेष उपचारका लागि पनि बाँकेको वैजनाथ स्वास्थ्य केन्द्र, कोहलपुर मेडिकल कलेज वा भेरी अस्पताल, नेपालगञ्ज जानुपर्ने अवस्था छ।हालसम्म बाँसगढीमा १९ हजार ७७८ जनाले स्वास्थ्य बिमा गरेका छन्। तीमध्ये तीन हजार ८२ जना ज्येष्ठ नागरिक छन्। स्वास्थ्य ब
काठमाडौं— प्रधानमन्त्री केपी शर्मा ओलीले प्रतिनिधिसभा बैठकमा आज विशेष सम्बोधन गर्ने भएका छन्। प्रतिनिधिसभाको बैठक शुक्रबार दिउँसो १ बजे बस्दैछ।सांघाइ सहयोग संगठन (एससीओ)को शिखर सम्मेलनमा भाग लिन शनिबार चीन जान लागेका प्रधानमन्त्री ओलीले आज संसद्मा सम्बोधन गर्न लागेका हुन्। प्रधानमन्त्री ओलीले भदौ १४ देखि १८ सम्म चीन भ्रमण गर्ने तालिका परराष्ट्र मन्त्रालयले सार्वजनिक गरेको छ।प्रधानमन्त्री ओलीले आफ्नो भ्रमणका बारेमा सदनलाई जानकारी गराउने उद्देश्यले प्रतिनिधिसभामा सम्बोधन गर्न लागेका उनको सचिवालयले जनाएको छ। चीन भ्रमणको क्रममा प्रधानमन्त्री ओलीले लिपुलेक मामिलामा भारत र चीनसँग प्रष्ट क
काठमाडौं— निमित्त प्रमुख प्रशासकीय अधिकृतको भरमा सञ्चालित देशभरका सबै स्थानीय तहमा सामान्य प्रशासन मन्त्रालयले प्रमुख प्रशासकीय अधिकृत खटाएको छ। संघीय मामिला तथा सामान्य प्रशासनमन्त्री भगवती न्यौपानेले देशका कुनै पनि नगरपालिका र गाउँपालिका अब निमित्त प्रमुख प्रशासकीय अधिकृत नरहने घोषणा गरेकी छन्।निमित्तको भरमा सञ्चालित देशभरका दुईसय पालिकामा प्रमुख प्रशासकीय अधिकृत खटाइएको जानकारी मन्त्री न्यौपानले सामाजिक सञ्जालमार्फत दिएकी छन्। ‘सुशासनको मुख्य औजार कर्मचारी प्रशासन हो, यसलाई निरन्तर सुधार र परिमार्जन गर्नुपर्छ। यो काममा म निरन्तर लागिरहेकी छु,’ उनले फेसबुकमा लेखेकी छन्, ‘मैले कार्य
काठमाडौं— काठमाडौंको जडिबुटीमा शुक्रबार बिहानै स्कुटर दुर्घटना हुँदा २ जनाको मृत्यु भएको छ । मृत्यु हुनेमा स्कुटर चालक नवलपरासी स्थायी घर भई हाल भक्तपुर लोकन्थली बस्ने २२ वर्षीय शिरिस पौडेल र काभ्रेपलाञ्चोक घर भएका २३ वर्षका नितेश नेपाल रहेका छन् । बिहान करिब ३ बजेतिर जडिबुटीको आकासे पुलनजिकै सडक छेउमा रोकी राखेको बा प्र०१–००६ ख ४२४३ नम्बरको बसमा लु ४३ प ४९३८ नम्बरको स्कुटर ठोक्किएर उनीहरुको मत्यु भएको प्रहरीले जनाएको छ । दुर्घटनापछि गम्भीर घाइते भएका उनीहरुलाई राष्ट्रिय ट्रमा सेन्टर पर्याइएको थियो । उपचारको क्रममा उनीहरुको मृत्यु भएको प्रहरीले जनाएको छ ।
Copyright © 2021 / 2026 / Esoul Media (P) Ltd. / All Rights Reserved.
