बारा— जिल्लाको जीतपुर सिमरा उपमहानगरपालिका–९ स्थित नारायणी स्पार्क प्रालिमा गए राति फलामले लागेर एक ‘क्रेन अपरेटर’को मृत्यु भएको छ ।क्रेनले फलाम उठाउने क्रममा आफैँलाई लागेर भारत उत्तर प्रदेश ननौरा बलियाका ५३ वर्षीय रामभवन यादवको मृत्यु भएको हो ।फलामले टाउकोमा लागेर गम्भीर घाइते भएका यादवको उपचारका क्रममा वीरगञ्जस्थित नारायणी अस्पतालमा मृत्यु भएको जिल्ला प्रहरी कार्यालयका प्रहरी निरीक्षक खेम नेपालले जानकारी दिए ।
रौतहट – रौतहटको कटहरियामा रहेको बाबा बैजुनाथ सुगर एण्ड केमिकल इण्डष्ट्रिज (चिनी मिल) को मुलगेट अगाडि उखु किसानहरूले विरोध प्रदर्शन गरेका छन् ।उखु उत्पादक संघ रौतहटको अगुवाइमा मंगलबार किसानहरूले टायर बालेर विरोध प्रदर्शन गरेका हुन् । उखु उत्पादक संघ रौतहटका अध्यक्ष अशोक यादवले सरकारले दिने भनिएको अनुदान रकम तुरुन्त उपलब्ध गराउनु पर्ने बताए । उनले ७० रूपैयाँ प्रतिक्विन्टल अनुदान पूर्ण रूपमा दिनुपर्ने र ३५ रूपैयाँ कटौती खारेज गर्नुपर्ने लगायत आफूहरुको मुख्य माग भएको जानकारी दिए । उनका अनुसार ८१÷८२ मा बाँकी रहेको १ अर्ब ६० करोड रुपैयाँभन्दा बढी अनुदान रकम अझै किसानले पाए
काठमाडौं— अब देशका सबै संघीय अस्पतालमा डिजिटल भुक्तानी हुने भएको छ । संघीय अस्पतालको सेवा डिजिटल बनाउने मन्त्री प्रदीप पौडेलको योजनाअनुसार स्वास्थ्य तथा जनसंख्या मन्त्रालयले सबै संघीय अस्पताल तथा प्रतिष्ठानलाई बुधबार पत्र पठाएर बिलको भुक्तानी अनलाइन तथा क्यूआरमार्फत् डिजिटल भुक्तानीको व्यवस्था मिलाउन भनेको हो ।मन्त्री पौडेलले अस्पतालमा हुने भीड व्यवस्थापनका लागि नौ बुँदे सुधार योजना कार्यान्वयनमा लैजान पहल गरेका थिए । मन्त्री पौडेलले नागरिकलाई टिकट लिन तथा भुक्तानीका लागि सकेसम्म कम सास्ती र भीड कम हुने गरी काम अघि बढाउन अधिकारीहरूलाई भनेका थिए ।यसअन्तर्गत डिजिटल पेमेन्टलाई समेत अघि
काठमाडौं— गायक पशुपति शर्मा सवार कार दुर्घटना भएको छ । बुधबार दिउँसो सिद्धार्थ राजमार्गअन्तर्गत स्याङ्जाको भीरकोट नगरपालिका–२ मा कार दुर्घटना भएको हो ।जिल्ला प्रहरी कार्यालय स्याङ्जाका डीएसपी बाबुराम न्यौपानेले सामान्य दुर्घटना भएको जानकारी दिए।उनका अनुसार पोखराबाट वालिङ जाँदै गरेको ग १ च ४१७१ नम्बरको कार अनियन्त्रित भएर कल्भर्टमा ठोक्किएको थियो ।कारमा सवार ४ जनालाई ठूलो चोट नलागेको डीएसपी न्यौपानेले जनाए । गायक शर्माको देब्रे हातको कान्छी औंला भाँचिएको छ । कारमा सामान्य क्षति पुगेको छ ।गायक शर्मा सांगीतिक कार्यक्रमको लागि स्याङ्जा पुगेका हुन् ।
काठमाडौं – नेपाल प्रहरीको साइबर व्युरो कार्यालय रहेको भोटाहिटीस्थित भवनमा काठमाडौं महानगरपालिकाको वडा कार्यालय राख्नका लागि मेयर बालेन्द्र साह (बालेन) ले माग गरेका छन् । त्यसको बदलामा रामशाहपथस्थित उपत्यका ट्राफिक प्रहरी महाशाखा रहेको सात रोपनी जमिनमध्ये पाँच रोपनी प्रहरीकै स्वामीत्वमा रहने गरी दिन उनी तयार भएका छन् ।प्रहरी महानिरीक्षक दीपक थापासहितको प्रहरी टोलीसँग मंगलबार भएको भेटका क्रममा बालेनले भोटाहिटीको भवन मागेका हुन् । प्रहरी टोली भने महानगरको स्वामीत्वमा रहेको रामशाहपथस्थित घोडा तवेलाको जमिनमा रहेको ट्राफिक कार्यालयको जमिनको स्वामीत्व माग गर्न बालेनलाई भेट्न पुगेको थियो ।सात रो
वीरगञ्ज— एक जना महिलालाई बन्धक बनाएर सामूहिक बलात्कार गरेको आरोपमा प्रहरीले दुई जनालाई पक्राउ गरेको छ। पक्राउ पर्नेमा वीरगञ्ज बस्ने ४० वर्षीय नेक महमद र २१ वर्षीय अफताब अन्सारी छन्। बलात्कार आरोपमा पर्सा प्रहरीले मंगलबार दिउँसो दुई जनालाई पक्राउ गरेको डिएसपी किशोर लम्सालले जानकारी दिए। उनका अनुसार नेक महमद मोटरसाइकल वर्कशपका सञ्चालक हुन् भने अफताब त्यहाँ काम गर्छन्।घटना वैशाख २० गतेको हो। एक जना महिला आफ्नो गोठमा बाख्रा बाँधेर फर्किंदै थिइन्। त्यही बेला दुई जनाले घेरा हालेर उनलाई रोके। दुई जना मिलेर ती महिलालाई एउटा होटलमा पुर्याएका थिए।मुखमा कपडाको बुझो र आँखामा कालो पट्टी बा
काठमाडौं— काठमाडौं महानगरपालिकाका मेयर बालेन शाह र नेपाल प्रहरीका महानिरीक्षक (आइजिपी) दीपक थापाबीच हनुमानढोकास्थित जीर्ण प्रहरी भवन हटाउने विषयमा मौखिक सहमति भएको छ।साँस्कृतिक दृष्टिले महत्वपूर्ण दरबार स्क्वायर क्षेत्रभित्र रहेको सो भवन २०७२ को भूकम्पमा क्षतिग्रस्त भएको थियो। त्यही भवनमा लामो समयसम्म जिल्ला प्रहरी परिसर काठमाडौं र उपत्यका अपराध अनुसन्धान कार्यालय सञ्चालन हुँदै आएको थियो। यद्यपि हाल ती कार्यालयहरू अन्यत्र सरेका छन् र भवन पनि प्रायः खाली छ, तर केही प्रहरी सुरक्षाका लागि त्यहाँ अझै बस्दै आएका छन्।स्थानीय बासिन्दा र संरक्षणविद्हरूले विश्व सम्पदा सूचीमा सूचीकृत दरबार क्षेत्रलाई सु
काठमाडौं— प्रतिनिधिसभाको आजको बैठकमा सांसदहरूले सङ्कटग्रस्त क्षेत्र मधेस प्रदेशमा डिपबोरिङ र स्यालो ट्युबेल व्यवस्था गर्न माग गरेका छन । बैठकको आकस्मिक समयमा उनीहरूले सरकारले मधेसलाई सुक्खा भएका कारण सङ्कटग्रस्त क्षेत्र घोषणा गरे पनि डिपबोरिङ र स्यालो ट्युबेल नपुग्दा समस्या भएकाले समाधान गर्न माग गरेका हुन्।सांसद रामकृष्ण यादवले खडेरी परेको मधेस प्रदेशमा डिपबोरिङ र स्यालो ट्युबेलको पर्याप्त व्यवस्था गर्न माग गरे । केही दिनदेखि अलिअलि पानी परेर राहत भएपनि अझै आवश्यक मात्रामा पानी नपरेको उनको भनाइ छ ।सांसद महेशकुमार बर्तौलाले गरिबीको परिचय पत्र २५ जिल्लामा वितरण गरिए पनि रोग लागेर उपचारका लागि प
विराटनगर— सुनसरी र झापाका विभिन्न स्थानबाट ब्राउन सुगरसहित सात जना पक्राउ परेका छन्। प्रहरीले विशेष सूचनाको आधारमा चेकजाँच गर्दा उनीहरूलाई लागुऔषध र नगदसहित पक्राउ गरेको हो।सुनसरीको कोशी गाउँपालिका–१ मा लागुऔषधको कारोबार भइरहेको भन्ने सूचनाका आधारमा इलाका प्रहरी कार्यालय लौकहीबाट खटिएको टोलीले ८८ ग्राम ३८ मिलिग्राम ब्राउन सुगर र २ लाख ५६ हजार नगदसहित दुई जनालाई पक्राउ गरेको हो। पक्राउ पर्नेमा कोशी गाउँपालिका–४ का ३४ वर्षीय मनोज कुमार खतवे र भारत, अररिया बस्मतियाका ४५ वर्षीय राजकुमार खतवे छन्।त्यसैगरी, जिल्ला प्रहरी कार्यालय सुनसरीले इनरुवा–४ बाट वराहक्षेत्र नगरपालिका–२ का २० वर्षीय रमेश बस्नेत
इटहरी – सुनसरीको कोशी गाउँपालिका–८ स्थित भाण्टाबारी क्षेत्रबाट नेपाली रुपैयाँ १ हजार दरका नक्कली नोट ३८ थानसहित दुई जना पक्राउ परेका छन् ।पक्राउ पर्नेमा सप्तरी जिल्लाको हनुमान कंकालिनी गाउँपालिका–१ का २५ वर्षीय राजेश चमार रजक र सोही गाउँपालिका–२ का २५ वर्षीय राजेश कुमार रजक रहेका छन् ।साउन १९ गते राति इलाका प्रहरी कार्यालय भाण्टाबारीबाट खटिएको चेकजाँच टोलीले मोटरसाइकलमा सवार उनीहरूलाई नियन्त्रणमा लिएको हो । मोटरसाइकलको पछाडि सवार राजेश चमार रजकको साथबाट नेपाली रुपैयाँ १ हजार दरका नक्कली नोट ३८ थान बरामद भएपछि चालक राजेश कुमार रजकलाई पनि नियन्त्रणमा लिएको प्रहरीले जनाएको छ ।हाल उनीहरूमाथि
Copyright © 2021 / 2025 / Esoul Media (P) Ltd. / All Rights Reserved.
