काठमाडौँ / भक्तपुरको मध्यपुर थिमी नगरपालिका - ८ बोडेमा एक पुरुषको शव फेला परेको छ ।
बोडेको लर्डबुद्ध स्कुल अगाडि निर्माणाधीन टहरामा थिमी नगरपालिका ८ बस्ने ५१ वर्षीय कल्याण साहु मृत अवस्थामा फेला परेको जिल्ला प्रहरी कार्यालय प्रहरी प्रवक्ता एवं प्रहरी नायब उपरीक्षक राजु पाण्डेले जानकारी दिएका छन् ।उनका अनुसार साहुको हत्या भएको आशङ्कामा केही व्यक्तिलाई पक्राउ गरी अनुसन्धान सुरु गरिएको छ ।डीएसपी पाण्डेका अनुसार मृतक साहुको शव पोस्टमार्टमका लागि केएमसी अस्पताल दुवाकोटमा राखिएको छ ।
