झापा / सङ्खुवासभामा ९ वर्षीया बालिकालाई बलात्कार गरेको आरोपमा एक युवक पक्राउ परेका छन् । पक्राउ पर्नेमा जिल्लाको खाँदबारी नगरपालिका- २ का ३९ वर्षीय कुमार दर्जी रहेको प्रहरीले जनाएको छ ।
पीडित बालिकालाई दर्जीले ०७९ जेठ २० गते बलात्कार गरेको आरोपमा पीडित पक्षले आरोपित विरूद्ध जेठ २१ गते जिल्ला प्रहरी कार्यालयमा उजुरी दिएको थियो ।पीडित पक्षको उजुरीका आधारमा आरोपितलाई चैनपुर नगरपालिका- ६ चैनपुर बजारबाट पक्राउ गरिएको जिल्ला प्रहरी कार्यालयका प्रहरी निरीक्षक सरोज खनालले बताए । पक्राउ परेका दर्जीमाथि थप अनुसन्धान भइरहेको प्रहरीले जनाएको छ ।
