काठमाडौँ / ललिता निवास जग्गा प्रकरणमा पक्राउ परेका रामकुमार सुवेदी र उनी पत्नी माधवीलाई केन्द्रीय अनुसन्धान ब्युरो (सीआईबी)ले छाडेको छ । अनुसन्धानको क्रममा आवश्यक परेको बेला उपस्थित हुने सर्तमा सुवेदी दम्पतीलाई मंगलबार छाडिएको सीआईबीका प्रमुख धिरज प्रताप सिंहले जानकारी दिए । ललिता निवासको सरकारी जग्गा व्यक्तिको नाममा नामसारी गर्दा सरकारी कागजात कीर्ते गरेको आरोप लागेका रामकुमार सुवेदी र उनकी पत्नी माधवी यही पुस ७ गते पक्राउ परेका थिए ।बालुवाटारमा ललिता निवासको १४२ रोपनी ६ आना जग्गा विभिन्न समयमा व्यक्तिको नाममा गएको अनुसन्धानबाट पत्ता लागेको छ। त्यसमध्ये १४ रोपनी जग्गा सुवेदी दम्पतीक
जनकपुरधाम / धनुषाको लक्ष्मीनियाँ गाउँपालिका –७ स्थित भगवतीपुरमा रहेको एक प्लास्टिक उद्योगमा आगलागी भएको छ । नवल मुरारकाले सञ्चालन गरेको जानकी प्लास्टिक उद्योगमा सोमबार राती एक बजे आगलागी भएको हो । उद्योगमा विद्युत सर्ट भई आगलागी हुँदा १० करोड बराबरको क्षति भएको जिल्ला प्रहरी कार्यालय धनुषाका प्रवक्ता प्रहरी नायब उपरीक्षक जितेन्द्र कुमार बस्नेतले जानकारी दिए । बस्नेतका अनुसार आगलागीबाट मेसिन, केमिकल, कच्चा पदार्थ, तयार मालसामान, काठपात, लत्ता कपडालगायतका सामाग्री जलेर नष्ट भएको छ ।
काठमाडौं / साताको पहिलो दिन नेपाली बजारमा सुनको मूल्य स्थिर रहेको छ । नेपाल सुनचाँदी व्यवसायी महासंघका अनुसार शुक्रबार तोलामा ९१ हजार ६०० रुपैयाँमा कारोबार भएको छापावाल सुनको मूल्य आइतबार पनि उही रहेको हो । यस्तै तेजाबी सुन तोलामा ९१ हजार १०० रुपैयाँ रहेको छ । यसैबीच आइतबार चाँदीको मूल्य पनि स्थिर रहेको छ । शुक्रबार १२२५ रुपैयाँमा कारोबार भएको चाँदी आइतबार पनि कुन घटबढ नभइ समान मूल्यमा कारोबार भएको हो ।
काठमाडौँ / सरकारले अन्तर्राष्ट्रिय बजारमै रासायनिक मलको अभाव र मूल्यवृद्धि भएको जनाउँदै उपलब्ध मल किफायत (फारु) गरी प्रयोग गर्न कृषकलाई सुझाव दिएको छ । पालले मल आयात गर्दै आएका कयौँ मुलुकले कच्चा पदार्थ अभाव र आन्तरिक खपत देखाउँदै निर्यात गर्न नसक्ने भनेपछि मल अभाव हुनसक्ने पूर्वानुमान गरी उपलब्ध मल किफायत गरी प्रयोग गर्न आग्रह गरिएको हो ।यद्यपि सरकारले अघिल्ला वर्षका तुलनामा यस वर्ष रासायनिक मल खरिदका लागि बजेट वृद्धि गरेको छ । अघिल्लो वर्ष १३ अर्ब रुपैयाँ विनियोजन भएकामा यस वर्ष मलका लागि रु १५ अर्ब छुट्याइएको थियो । रासायनिक मलको माग र आपूर्ति अवस्थाबारे जानकारी दिँदै मन्त्र
काठमाडौं / काठमाडौँको बानेश्वरस्थित एनआईसी एसिया बैंक लुटपाट प्रकरणमा प्रहरीले चार जनालाई नियन्त्रणमा लिएको छ। महानगरीय प्रहरी परिसर काठमाडौं र महानगरीय प्रहरी वृत्त नयाँ बानेश्वरको टोलीले चार जनालाई नियन्त्रणमा लिएको महानगरीय प्रहरी परिसरका प्रमुख एसएसपी सुदीप गिरीले जानकारी दिए । गिरीका अनुसार गत पुस १८ गते बैकमा लुटपाट भएको थियो। बैंकमा १६ लाख रुपैयाँ भन्दा धेरै रकम लुटिएको भन्दै प्रहरीमा उजुरी परेको थियो। चोरीमा बैंकका एक कर्मचारीको समेत संलग्नता भएको खुलेको प्रहरी स्रोतले जनाएको छ।
काठमाडौँ / नेपाल सुनचाँदी व्यवसायी महासङ्घका अनुसार शुक्रवार छापावाला सुन प्रतितोला रू ९१ हजार ६०० मा कारोबार भइरहेको छ । बिहीवार छापावाला सुनको मूल्य प्रतितोला रू ९२ हजार ३०० मा कारोबार भएको थियो । बिहीवारको तुलनामा शुक्रवार छापावाला सुन प्रतितोला रू ७०० ले घटेको छ ।त्यसैगरी, तेजाबी सुन प्रतितोला रू ९१ हजार १०० तोकिएको छ । बिहीवार तेजाबी सुन प्रतितोला रू ९१ हजार ८०० मा कारोबार भएको थियो ।यस्तै, शुक्रवार चाँदीको मूल्य पनि घटेको छ । बिहीवार प्रतितोला रू १ हजार २३५ मा कारोबार भएको चाँदी शुक्रवार रू १० ले घटेर रू १ हजार २२५ किनबेच भइरहेको छ ।
विराटनगर / विराटनगर नाकाबाट करिब चार किलोमिटर दक्षिणमा पर्ने मिरगञ्जमा रहेको पुल भासिएपछि आयत–निर्यात रोकिएको छ । यसअघि २०७४ साउन २९ मा क्षतिग्रस्त भएपछि मर्मत गरिएको परमान खोलाको मिरगञ्जमा रहेको पुल बिहीबार दोस्रो पटक भास्सिएको हो।जीर्ण अवस्थामा रहेको पुल भासिएपछि भारतीय पक्षले बिहीबार दिउँसोबाटै आउ–जाउ गर्न रोक लगाएको थियो । भारतीय पक्षले रोक लगाएका कारण विराटनगर तर्फ आइरहेका मालबाहक सवारी साधन पुल पारी नै रोकिएका छन् ।भारतीय प्रहरीले बिहीबार दिउँसो २ बजे पुल भास्सिएको पत्ता लगाएपछि पुलबाट हुने ठूला सवारी साधनको आवागमन ठप्प पारेको थियो।मोरङका प्रमुख जिल्ला अधिकारी काशीराज दाहालले
काठमाडौँ / सरकारले चालु आर्थिक वर्षको पाँच महिनामा नेताहरुको उपचार खर्च र आर्थिक सहायताको नाममा तीन करोड रुपैयाँ बाँडेको छ । आर्थिक वर्षको साउनदेखि मङ्सिरसम्ममा सरकारले पूर्व प्रधानमन्त्री झलनाथ खनालदेखि लिएर पूर्वराष्ट्रपति डा. रामवरण यादवको उपचार खर्च र आर्थिक सहायताका नाममा राज्यकोषबाट उक्त रकम खर्च गरेको हो । आर्थिक वर्षमा राज्यबाट आर्थिक सहयोग लिने उच्चपदस्थहरुमा पूर्वप्रधानमन्त्री झलनाथ खनालले सबैभन्दा बढी रकम लिएका छन् । उनले उपचार खर्चका नाममा सरकारबाट ४८ लाख ५० हजार लिएको अर्थमन्त्रालयले जनाएको छ । मन्त्रालयका अनुसार उपचार खर्चका नाममा सरकारले रघुजी पन्तसहित तीन जनालाई
काठमाडौं / प्रहरीको केन्द्रीय अनुसन्धान ब्युरो (सीआईबी)ले ललिता निवास जग्गा प्रकरणको अनुसन्धान प्रतिवेदन सरकारी वकिललाई बुझाएको छ । पाँच पूर्वसचिवसहित करिब साढे तीन सय ६० जनालाई प्रतिवादी बनाएर कारबाहीको माग गर्दै सीआइबीले आज (बिहीबार) रायसहितको अनुसन्धान प्रतिवेदन सरकारी वकिलको कार्यालयमा बुझाएको हो । सीआईबीले पूर्वसचिवहरू दीप बस्नेत, छविराज पन्त, युवराज भुसाल, नारायणलाल मलेगो र दिनेशहरि अधिकारीलगायत भूमाफिया किटान गरिएका रामकुमार सुवेदी र शोभाकान्त ढकाल तथा व्यापारी मिनबहादुर गुरुङलगायतलाई प्रतिवादी बनाएको छ । घटनामा प्रहरीले हालसम्म रामकुमार सुवेदी र उनकी पत्नी माध
विराटनगर / मोरङको उर्लाबारीका सनम शाक्य हत्या तथा ३३ किलो सुन प्रकरणका आरोपी रमेश उप्रेतीलाई प्रहरीले आज जिल्ला अदालत मोरङमा उपस्थित गराएको छ । मंगलबार साढे ३ बजेको फ्लाइटबाट काठमाडौँ आइपुगेका उप्रेतीलाई प्रहरीले हिजो त्रिभुवन विमानस्थलबाट पक्राउ गरेको थियो । प्रहरीले उप्रेतीलाई आज (बुधबार) विराटनगर ल्याएर अदालतमा उपस्थित गराएको हो । अदालत उपस्थित गराएको रमेशको भोलि मोरङ अदालतमा बयान हुने र सोही दिन थुनछेक बहस हुने अदालतले जनाएको छ ।रमेश साढे ३३ किलो सुन तस्करी र सनम शाक्य हत्या प्रकरणको मुख्य आरोपी चुडामणि उप्रेतीका भाइ हुन् । दुबईबाट सुन नेपाल पठाउने गरेको आरोप लागेका उनी युए
Copyright © 2021 / 2026 / Esoul Media (P) Ltd. / All Rights Reserved.
