काठमाडौँ / प्रधानन्यायाधीश चोलेन्द्रशमसेर जबराको राजीनामा माग गर्दै आज (मंगलबार) पनि नेपाल बार एसोसिएसनले प्रदर्शन जारी राखेको छ । जबराको राजिनामा माग गर्दै दुई सातादेखि आन्दोलन गरिरहेका कानुन व्यावसायीहरू सर्वोच्चको मुख्य भवनमुनि बसेर प्रदर्शन गरिरहेका छन् । सर्वोच्चका न्यायाधीशहरू नै विभाजित भइरहेका बेला कानुन व्यावसायीहरूले भने आन्दोलन कुनै हालतमा राजीनामा नहुँदासम्म नछोड्ने बताएका छन् । सर्वोच्चमा चोलेन्द्रशमशेर राजीनामा देउ, भ्रष्टाचारका नाइके राजीनामा देउ, विचौलियाका नाइके राजीनामा देउ भन्ने नारा लागिरहेका छन् ।
बिर्तामोड / प्रदेश १ का मुख्यमन्त्री राजेन्द्र राईले आज (मंगलबार) विश्वासको मत लिँदै छन् । आजको प्रदेशसभा बैठकमा मुख्यमन्त्रीको विश्वासको मतसम्बन्धी प्रस्तावमाथि छलफल हुने प्रदेश सभा सचिवालयले जनाएको छ ।यसअघि आइतबार राईले प्रदेश सभा नियमावली अनुसार विश्वासको मत लिन चाहेको सूचना प्रदेश सभा सचिवालयमा दर्ता गराएका थिए । तत्कालीन मुख्यमन्त्री भीम आचार्यले पदबाट राजीनामा दिएपछि नेकपा एकीकृत समाजवादीका नेता राईको नेतृत्वमा कात्तिक १६ गते नयाँ सरकार बनेको थियो ।पाँच दलीय गठबन्धन सरकारमा समाजवादी, कांग्रेस, माओवादी केन्द्र, जनता समाजवादी पार्टी र संघीय लोकतान्त्रिक राष्ट्रिय मञ्च सहभागी छन् । विश्वासक
दमौली / नेपाल विद्युत् प्राधिकरणका कार्यकारी निर्देशक कुलमान घिसिङले आइतबार तनहुँ जलविद्युत् आयोजनाको निरीक्षण गरेका छन् । तनहुँको ऋषिङ गाउँपालिका–१ झापुटारमा निर्माणाधीन आयोजनाको निरीक्षण गर्दै घिसिङले तोकिएको समयभन्दा एक वर्ष अगावै आयोजनाको निर्माण कार्य सम्पन्न गर्न आग्रह गरे ।“महत्वपूर्ण दातृ निकायको सहभागिता रहेको आयोजना तोकिएकै समयभित्र सम्पन्न गरेर उदाहरण प्रस्तुत गर्नुपर्छ,” घिसिङले भने । सहकार्य गरेर काम गर्नुपर्नेमा उनले जोड दिए ।घिसिङले बाँधको निर्माणकार्य ढिलाइ भएको उल्लेख गर्दै यसलाई प्राथमिकता दिएर काम अगाडि बढाउन निर्देशन दिए । कार्यकारी निर्देशक घिसिङलाई तनहुँ हाइड्रोपावर
चितवन / नेकपा एमालेका महाधिवेशन प्रतिनिधिहरूलाई लक्षित गरी सौराहाका व्यवसायीले ५० प्रतिशतसम्म छुट दिने घोषणा गरेका छन् । स्थानीय व्यवसायीले एमालेको १० औँ राष्ट्रिय महाधिवेशनको बन्दसत्र सौराहामा हुने भएपछि छुट दिने घोषणा गरेका हुन् ।एमालेले महाधिवेशनको उद्घाटन समारोह नारायणगढस्थित नारायणी नदी किनारमा र बन्दसत्र सौराहामा गर्ने भएको छ । एमाले महाधिवेशनको बन्दसत्र सौराहामा हुने भएपछि होटेल व्यवसायीहरूले मंसिर ९ गतेदेखि १३ गतेसम्म सौराहामा हुने गोष्ठी, विवाह, सेमिनार लगायतका अन्य सबै कार्यक्रमहरू स्थगित गरेका छन् ।एमालेले बुक गरेका होटलमा ५० प्रतिशतसम्म छुट दिइएको क्षेत्रीय होटल संघ सौराह
झापा // झापामा नेकपा एमालेको दशौं महाधिवेशन प्रतिनिधि चयनका लागि भएको निर्वाचनमा वडाध्यक्षले जित्दा प्रदेश सांसद पराजित भएका छन्। कन्काइ नगरपालिकाका मेयर राजेन्द्रकुमार पोखरेल विजयी भएसंगै झापा–४ (ख) का प्रदेशसभा सदस्य हिराकुमार थापा पराजित भएका हुन्।थापा भीम आचार्य मुख्यमन्त्री हुँदा प्रदेश–१ का सामाजिक विकासमन्त्री थिए । निर्वाचनमा झापा–४ बाट महाधिवेशनमा सहभागी हुने प्रतिनिधि छनोटमा सहमति जुट्न नसकेपछि निर्वाचन भएको थियो । निर्वाचनमा ३,५६२ मत खसेको थियो, जसमा कन्काइ नगरपालिकाका मेयर राजेन्द्रकुमार पोखरेलले सर्वाधिक १,७०४ मत ल्याउँदै प्रतिनिधिमा चुनिएका हुन् ।धनबहादुर थोवे १,५३२, चन्द्र
विराटनगर / नेकपा एमालेले संघीय सरकार र प्रदेश सरकार गुमाएपछि एमालेको सिफारिसमा लाभका पदमा नियुक्त भएकाले सरकार फेरिएसँगै पद गुमाउन थालेका छन् ।राजनीतिक नियुक्तिमा लाभको पदमा पुगेका पद गुमाईरहेको समयमा प्रदेश १ मा पनि एमाले नेतृत्वको प्रदेश सरकारले नियुक्त गरेका ७५ जनाले पद गुमाउने भएका हुन् ।नेकपा एकीकृत समाजवादीका नेता राजेन्द्र राईको नेतृत्वमा प्रदेश सरकार बनेसँगै एमाले नेता भीम आचार्य नेतृत्वको सरकारले गरेका नियुक्ति बदर गर्ने निर्णय गरेपछि एमालेको सिफारिसमा नियुक्त भएकाले पद गुमाउने भएका हुन् ।एमाले विभाजनको समयमा संसदबाट विश्वासको मत समेत नलिई सरकार सञ्चालन गरेका आचार्यले गरेका नियुक्ति ब
पोखरा / गण्डकी प्रदेशका १२ जना नेताहरूले सामूहिक रुपमा विवेकशील साझा पार्टी परित्याग गरेका छन् । विवेकशील पार्टीका अध्यक्ष रवीन्द्र मिश्रले तानाशाही बनेर एकलौटी रुपमा पार्टी चलाएको भन्दै उनीहरूले पार्टी परित्याग गरेका हुन् । पार्टी छाड्नेमा केन्द्रीय सदस्य दीपक पौडेल, युवा सङ्गठनका केन्द्रीय सदस्य प्रकाश आचार्य, पार्टीका गण्डकी प्रदेश सदस्य एवं अभियान विभाग प्रमुख अशोक खड्का, कार्यालय व्यवस्थापन प्रमुख सुदीप ओझा, संगठन विभाग प्रमुख पदम न्यौपाने र तनहुँ जिल्ला संयोजक एवं प्रदेश सदस्य सागर घिमिरे रहेका छन् । त्यस्तै युवा संगठन केन्द्रीय सदस्य मनिषा मगर, ब्यास नगर संयोजक सलमान अलि,
काठमाडौँ / एक्कासि रक्तचाप उच्च भएपछि अस्पताल भर्ना भएका माओवादी केन्द्रका अध्यक्ष पुष्पकमल दाहाललाई आज डिस्चार्ज गरिने भएको छ । उनलाई शनिबार ललितपुरको मेडिसिटी अस्पताल भर्ना गरिएको थियो । हालैमात्र डोल्पा लगायत विभिन्न जिल्लाको भ्रमण गरेका दाहाललाई काठमाडौँ फर्केपछि स्वास्थ्यमा समस्या देखिएको थियो ।दाहालको सचिवालयले अस्पतालमा केही घण्टाको आरामपछि उनलाई आज डिस्चार्ज गरिने बताएको छ ।
काभ्रे / कानून, न्याय तथा सङ्घीय मामिलामन्त्री दिलेन्द्रप्रसाद बडूले न्यायालयमा देखिएको हालको समस्या छिट्टै समाधान हुनेमा सरकार विश्वस्त रहेको बताएका छन्।काभ्रेपलाञ्चोकको बेथानचोक गाउँपालिका–३ वडा कार्यालय भवन तथा सामुदायिक स्वास्थ्य इकाइ भवनको शनिबार उद्घाटन गर्दै उनले न्यायालयको विवाद ‘स्वयं स्वतन्त्र ढङ्गले’ समाधान हुनेमा सरकार विश्वस्त रहेको बताए। ‘हाल न्यायपालिकाभित्रको समस्या समाधान स्वयं स्वतन्त्र ढङ्गले उहाँहरु आफैँले समाधान गर्नेमा सरकार विश्वस्त छ। सरकारको चाहना पनि त्यही हो’, उनले भने।न्यायलयभित्र कतिपय सुधारका विषय रहेकाले बार र बेञ्चबीचको आपसी विवाद टुङ्गिएर सद्भावतर्फ अघि बढ्नुपर
Copyright © 2021 / 2026 / Esoul Media (P) Ltd. / All Rights Reserved.
