काठमाडौं— नेपालको तीव्र गतिमा विस्तार हुँदै गएको फुल्ली भिट्रिफाइड टायल ब्रान्ड लामिनारले काठमाडौं उपत्यकामा आफ्नो उपस्थिति थप मजबुत बनाउँदै भक्तपुरमा दुई नयाँ शोरुम सञ्चालनमा ल्याएको छ ।
नयाँ शोरुमहरू सानो ठिमीस्थित सियाराम ग्रुप र बिन्देश्वरी प्लानिङ क्षेत्रस्थित पञ्चदेवल सप्लायर्समार्फत सञ्चालनमा आएका हुन् ।
लामिनारले आठ कलेक्सन अन्तर्गत ५५० भन्दा बढी डिजाइन सहित नेपालकै फराकिलो टायल संग्रह बजारमा उपलब्ध गराएको जनाएको छ ।
शोरुमहरूमा आवासीय घर, होटल तथा आतिथ्य क्षेत्र र व्यावसायिक परियोजनाका लागि उपयुक्त पानी नसोस्ने तथा अभेद्य टायलहरू प्रदर्शनमा राखिएका छन्।
मार्बल शैलीका डिजाइन, आधुनिक ढुङ्गा बनावट र प्रिमियम पोलिस सतहका टायलहरू यहाँ अवलोकन तथा खरिद गर्न सकिने व्यवस्था गरिएको छ ।
कम्पनीका अनुसार पोलिस्ड मार्बल तथा ओनिक्स श्रृंखलामा १०४ भन्दा बढी ग्लस युनिट भएको उच्च चमकदार सतह प्रयोग गरिएको छ, जसले ऐनाजस्तै चम्किलो प्रभाव प्रदान गर्छ । यस्तो सतह विशेषगरी लक्जरी भिला, होटल तथा बारका लागि उपयुक्त मानिन्छ ।
त्यस्तै, केही टायलहरूमा पीईआई–५ घर्षण प्रतिरोध, मोह्स ९ कठोरता तथा आर–१२ नचिप्लने सतह जस्ता विशेषताहरू समावेश गरिएका छन्, जसले बढी आवागमन हुने स्थानमा प्रयोग गर्न सहज बनाउँछ ।
समारोहमा बोल्दै सियाराम ग्रुपका निर्देशक हरिश जाजोडिया अग्रवालले लामिनारको प्रविधि, डिजाइन र गुणस्तरका कारण बजारमा विश्वास स्थापित भएको बताए। उनले नयाँ शोरुमले घरधनी, आर्किटेक्ट तथा डेभलपरहरूलाई टिकाउ टायल छनोट गर्ने अवसर प्रदान गर्ने उल्लेख गरे ।
पञ्चदेवल सप्लायर्सका निर्देशक उपेन्द्र शाहीले लामिनारका मार्बल शैलीका डिजाइन र पानी नसोस्ने प्रविधिले लक्जरी इन्टेरियरका लागि आकर्षक विकल्प प्रस्तुत गरेको बताए । उनका अनुसार ग्राहकहरू अहिले सौन्दर्य र दीर्घकालीन टिकाउपन दुवैलाई प्राथमिकता दिन थालेका छन् ।
शोरुम उद्घाटन गर्दै लामिनारका निर्देशक अभिनव चुरीवालले कम्पनीको लक्ष्य नेपालमै उत्पादन हुने अन्तर्राष्ट्रिय स्तरका गुणस्तरीय सतहहरू उपलब्ध गराउनु रहेको बताए।
बर्दियास्थित उच्च क्षमतायुक्त उद्योगमा इटालीको ग्लेज र स्पेनको डिजिटल इन्क प्रविधि प्रयोग गरी उत्पादन भइरहेको उनले जानकारी दिए ।
शोरुम सञ्जाल विस्तारसँगै लामिनारले देशभर आफ्नो बजार उपस्थिति अझ सुदृढ बनाउँदै लगेको छ। नेपालमै उत्पादन गरिएका विश्वस्तरीय गुणस्तरका भिट्रिफाइड टायलहरू विभिन्न प्रयोगका लागि बजारमा उपलब्ध रहेको कम्पनीले जनाएको छ ।
