म्याग्दी / डोजर तथा स्काभेटरको प्रयोग गरी गाउँबस्ती, भिरपाखा र कुना कन्दरामा समेत मोटरबाटो निर्माण गर्न थालिएपछि म्याग्दीको ग्रामीण क्षेत्रमा रहेका ऐतिहासिक र प्राकृतिक सम्पदा नासिँदै गएका छन् ।एक दशकअघिसम्म ग्रामीण क्षेत्रका लेक बेँसी, बस्ती ,गोरेटो र उकाली ओरालीमा देखिने गरेका पाटी, पौवा, सत्तल, धारा, कुवा, पँधेरा, जरुवा, चौतारी, पोखरी र स्थानीय देवतालाई सम्झेर पाती चढाउने थुम्का नासिएर अहिले देखिन/भेटिन छोडेका छन् । गाउँघरतिर ‘बजेट सक्ने विकास’ भनेर बोलिने डोजर चालक नै इन्जिनियर बनेर खनिएका मोटरबाटोका कारण वर्षौ पहिलेदेखिका ऐतिहासिक तथा प्राकृतिक सम्पदा नास भएर गए पनि यिनको संरक्षणका ल
बझाङ / बाढीले क्षति पुर्याएका विद्युतका आयोजनाको मर्मत नहुँदा बझाङका गाउँ डेढ महिनादेखि अन्धकारमय बनेका छन् । खप्तडछान्ना गाउँपालिका–१ का गोठखोला, खातिगाउँ, मायापाटा, डाँडागाउँ र खेदावाडागाउँ बिजुली नहुँदा डेढ महिनादेखि अन्धकार बनेका हुन् ।गएको कार्तिक १ गते जडारीगाड खोलामा आएको बाढीले २१ किलोबाट क्षमताको लघु जलविद्युत् आयोजनाको नहर, विद्युत् गृह र पोल बगाएपछि २ सय ६५ परिवार अन्धकारमा बस्न बाध्य भएका हुन् । आयोजना २०६५ सालमा डेढ करोड रुपैयाँभन्दा बढीको लागतमा निर्माण गरिएको थियो । त्यस्तै जडारीगाड दोस्रो लघु जलविद्युत् आयोजनाको अवस्था पनि उस्तै छ । बाढीले आयोजनाको नहर र विद्युत् गृहमा क्षति भए
बिर्तामोड / माछा मार्न गएका एक पुरुषको गौरीगन्ज गाउँपालिका २ पिण्डानघुटु स्थित खोलामा डुबेर मृत्यु भएको छ । मृत्यु हुनेमा झापा गाउँपालिका-१ का ३८ वर्षीय भीम सोरेन रहेका छन्। शनिबार बेलुका माछा मार्न भनेर गएका उनी आइतबार बिहानसम्म पनि घर नफर्किएपछि प्रहरीलाई खबर गरिएको थियो । घटनाको विषयमा खबर पाएलगत्तै प्रहरीको टोलीले खोज्ने क्रममा आइतबार दिउँसो शव फेला पारेको हो। उनको शव खोलामा डुबिरहेको अवस्थामा फेला परेको र घटनाको विषयमा थप अनुसन्धान भइरहेको इलाका प्रहरी कार्यालय गौरीगञ्जले जनाएको छ ।
खोटाङ / खोटाङमा प्रसूति व्यथाका कारण स्वास्थ्य अवस्था गम्भीर भएकी एक महिलाको हेलिकोप्टर मार्फत उद्धार गरिएको छ । प्रसुती व्यथाका कारण स्वास्थ्यमा गम्भीर समस्या देखिएपछि दिक्तेल रूपाकोट मझुवागढी नगरपालिका –२ सोल्माकी ३० वर्षीया शान्ता विकलाई आज (आइतबार) राष्ट्रपति महिला उत्थान कार्यक्रम अन्तर्गतको हवाइ सेवाबाट खर्च व्यहोर्ने गरि उद्धार गरिएको हो ।जिल्ला अस्पतालमा उपचार हुन नसकेपछि विकलाई उक्त हेलिकोप्टर मार्फत उद्धार गरि काठमाडौँको प्रसूति गृह थापाथली पठाइएको जिल्ला प्रशासन कार्यालय खोटाङले जनाएको छ ।यसअघि उनले शल्यक्रिया गरेर बच्चालाई जन्म दिएको र यसपटक आठ महिनामै प्रसुती व्यथा सुरु भएका
फुङ्लिङ, \ ताप्लेजुङको फुङ्लिङ नगरपालिका – ७ का प्रेमसिं तामाङ अहिले बट्टाई चरा पालनबाट राम्रो आम्दानी गरिरहेका छन । उनी सदरमुकाममा मेकानिक पसल बेचेर व्यावसायिक रुपमा बट्टाई पालनतिर लागेका हुन।उनले सातामा रु चार हजारको बट्टाईको अण्डा बिक्री गर्दै आएका छन । बजारमा प्रति अण्डा रु दशमा बिक्री हुँदै आएको छ । मासुका लागि एउटा बट्टाई रु २०० देखि ४०० सम्ममा बिक्री गर्दै आएको तामाङले बताए । लामो समय घडी, रेडियो बनाउने मेकानिक पसल खोलेर बसेको तामाङ बट्टाई चरासँग रमाउन थालेको दुई वर्ष भयो । उनले अहिले घरमा ३०० भन्दा बढी बट्टाई पाल्दै आएका छन ।राम्रो आम्दानीको स्रोतसँगै घरको सौन्दर्यसमेत दिने भएकाले बट्ट
काठमाडौं/ जल तथा मौसम पूर्वानुमान महाशाखाका अनुसार देशभर चिसो बढेसँगै आज दशका केही उच्च हिमाली क्षेत्रहरूमा भारी हिमपातको सम्भावना रहेको छ ।आज सुदूरपश्चिम, कर्णाली र गण्डकी प्रदेशको उच्च पहाडी तथा हिमाली भूभागको एक वा दुई स्थानमा हल्का हिमपातको सम्भावना रहेको महाशाखाले उल्लेख गरेको छ ।यस्तै, रातिसम्म सुदूरपश्चिम, कर्णाली र गण्डकी प्रदेशको पहाडी भूभागमा सामान्य बदली तथा बाँकी भूभागमा आंशिक बदली रहने र सुदूर पश्चिम, कर्णाली र गण्डकी प्रदेशको उच्च पहाडी तथा हिमाली भूभागको एक दुई स्थानमा हल्का हिमपात हुन सक्ने सम्भावना रहेको छ ।
सोलुखुम्बु / सोलुखुम्बुबाट एसिड प्रहार गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा सोलु दूधकुण्ड नगरपालिका –५ सल्लेरीका ५० वर्षीय मोहन बराइली रहेका छन् । बराइलीले मादक पदार्थ सेवन गरी आफ्नो २५ वर्षीय छोरो र अन्य एक जनालाई एसिड प्रहार गरेका थिए । एसिड प्रहारबाट घाइते भएका दुबै जनाको काठमाडौँको वीर अस्पतालमा उपचार भइरहेको जिल्ला प्रहरी कार्यालय सोलुखुम्बुले जनाएको छ । एसिड प्रहार गर्ने बराइलीलाई जिल्ला प्रहरी कार्यालय सोलुखुम्बुबाट खटिएको प्रहरीले पक्राउ गरेको छ ।
सिमकोट / हुम्लाको उत्तरी भेग नाम्खा गाउँपालिका –६ लिमीमा जनगणना सम्पन्न भएको छ । निर्धारित समयअगावै स्थानीय गणकहरूले विवरण सङ्कलनको काम सम्पन्न गरेका हुन् । लिमीको हल्जी, तिल र जाङ्ग गाउँमा विवरण सङ्कलन सकिएको गणक तन्जिन फुर्बु तामाङले जानकारी दिए । सात गाउँपालिका रहेको हुम्लामा ४४ वडा छन् । जिल्लाका ४४ मध्ये वडा नं ६ लिमी जनगणना पूरा हुने पहिलो वडा भएको छ ।गणक सदरमुकाम सिमकोटबाट चार दिन हिँडेर लिमी पुगेका थिए । उनीहरूले गत मङ्सिर २५ गतेदेखि विवरण सङ्कलन सुरु गरेका थिए । गणक तामाङले स्थानीयवासीको सहयोगमा समयभन्दा अगावै प्रश्नावली भर्ने काम सम्पन्न भएको बताए । यस पटकको गणनामा लिम
कञ्चनपुर / कञ्चनपुरको शुक्लाफाँटा नगरपालिकामा बोहुला कुकुरको टोकाईबाट १८ जना घाइते भएका छन् । बहुला कुकुरले बुधबार र बिहीबार गरी दुई दिनको अवधिमा शुक्लाफाँटा –४, ११ र १२ का १८ जनालाई टोकेर घाइते बनाएको हो ।कुकुरले २१ पशुचौपायालाई समेत टोकेको छ । स्थानीय बासिन्दाका अनुसार तीन बङ्गुर, दुई बाख्रा, एक पाडी, सात कुकुर तथा सात गोरुलाई समेत कुकुरले टोकेको छ ।घाइते हुनेमा वडा –४ का ६० वर्षीय हरिसिंह राना, १० वर्षीया बालिका रोशनी राना, १८ वर्षीया रविना राना, १५ वर्षीय आकाश राना, २३ वर्षीय रविशना राना, ७ वर्षीय जेन राना, २९ वर्षीया ममता राना, १२ वर्षीय सुशील राना, ८ वर्षीय सुशान्त राना, ३० वर्षीय व
काठमाडौं / अरब सागरमा बनेको न्यूनचापीय प्रणालीबाट प्रभावित मौसम आगामी आइतबारदेखि क्रमिक सुधार हुँदै जाने भएको छ । नेपालमा अरब सागरमा बनेको न्यूनचापीय प्रणालीको प्रभावले देशको अधिकांश स्थानमा आंशिकदेखि सामान्य बदलीका साथै उच्च पहाडी तथा हिमाली भूभागका केही स्थानहरूमा हल्का हिमपातको सम्भावना रहेको जल तथा मौसम विज्ञान विभागले जनाएको छ । विभागका वरिष्ठ मौसमविद् निराजन सापकोटाका अनुसार उक्त प्रणालीको प्रभाव आइतबार मध्यान्हबाट क्रमिक सुधार हुँदै जानेछ । यस अवधिमा देशको अधिकांश स्थानमा आंशिकदेखि सामान्य बदलीका साथै उच्च पहाडी तथा हिमाली भूभागका केही स्थानहरुमा हल्का हिमपात र सुदूरपश्
Copyright © 2021 / 2026 / Esoul Media (P) Ltd. / All Rights Reserved.
