काठमाडौं— संघीय मामिला तथा सामान्य प्रशासन मन्त्रालयले जिल्लास्थित कार्यालय प्रमुखहरुलाई १८ गतेसम्म कार्यालयमा पुग्न निर्देशन जारी गरेको छ ।
प्रधानमन्त्री तथा मन्त्रिपरिषद्को कार्यालयको निर्देशन भन्दै मन्त्रालयले कार्यालय प्रमुखहरुलाई अनिवार्य रुपमा कार्यालय पुग्न भनेको हो ।
दसैं बिदाका क्रममा विभिन्न स्थानमा रहेका कर्मचारीहरुको हकमा यस्तो निर्देशन जारी भएको भए पनि सबै राजमार्ग र सवारी साधन सञ्चालनमा रोक लागेको छ । १७-२० गतेसम्मको विपत्को पूर्व तयारी, सतर्कता र प्रतिकार्यमा जुट्नका लागि यस्तो निर्देशन जारी गरेको हो ।
कालीप्रसाद पराजुलीले सम्भव भएकाहरुको हकमा अलर्ट रहन पत्राचार गरेको प्रतिक्रिया दिए । सामान्य प्रशासन मन्त्रालयको जिम्मेवारी अर्थमन्त्री रामेशवर खनालले सम्हालिरहेका छन् ।
